హిందీ సినిమా సీక్వెల్‌లో జ‌గ‌ప‌తిబాబు
- IndiaGlitz, [Wednesday,July 04 2018]
ప‌వ‌ర్ స్టార్ ప‌వ‌న్ క‌ళ్యాణ్ కథానాయకుడిగా న‌టించిన గ‌బ్బ‌ర్ సింగ్ తెలుగు నాట వ‌సూళ్ళ వ‌ర్షం కురిపించిన సంగ‌తి తెలిసిందే. ఈ సినిమాకి ఒరిజ‌న‌ల్ వెర్ష‌న్ అయిన స‌ల్మాన్ ఖాన్ దబాంగ్ కూడా బాలీవుడ్‌లో బ్లాక్‌బ‌స్ట‌ర్‌ హిట్ అయింది. ఆ త‌రువాత అదే సినిమాకి దబాంగ్ 2 పేరుతో సీక్వెల్ వ‌చ్చింది. అది కూడా మంచి విజ‌యం సాధించింది. ప్ర‌భుదేవా దర్శకత్వంలో ఇప్పుడు దబాంగ్ మూడో భాగం రూపొందుతోంది.
తాజా స‌మాచారం ప్ర‌కారం.. ఈ సినిమాలో జ‌గ‌ప‌తిబాబు విల‌న్‌గా న‌టించ‌నున్నాడ‌ని తెలిసింది. తెలుగు, త‌మిళ, మ‌ల‌యాళ భాష‌ల్లో ప్ర‌తినాయ‌కుడిగా రాణించిన జ‌గ‌ప‌తిబాబు హిందీలో కూడా ఆ ప‌రంప‌ర‌ని కొన‌సాగిస్తాడేమో చూడాలి. ఇటీవ‌ల రంగ‌స్థ‌లంలో ఆయ‌న పోషించిన ప్ర‌తినాయ‌కుడి పాత్రకి మంచి పేరు వ‌చ్చిన సంగ‌తి తెలిసిందే.