ఫ్యాక్ష‌న్ లీడర్ పాత్ర‌లో జ‌గ్గూ భాయ్‌
- IndiaGlitz, [Monday,July 02 2018]
యాత్ర పేరుతో మ‌హి .వి.రాఘ‌వ్ దివంగ‌త మాజీ ముఖ్య‌మంత్రి వై.ఎస్‌.రాజ‌శేఖ‌ర్ రెడ్డి జీవిత చ‌రిత్ర‌ను సినిమా రూపంలో తెర‌కెక్కిస్తోన్న సంగ‌తి తెలిసిందే. ఈ బ‌యోపిక్‌లో వై.ఎస్‌.ఆర్ పాత్ర‌లో మ‌ల‌యాళ సూప‌ర్‌స్టార్ మమ్ముట్టి న‌టిస్తున్నారు. రాజ‌కీయాల్లో తెలుగు ప్ర‌జ‌ల‌కు గుర్తుండిపోయిన నాయ‌కుల్లో వై.ఎస్‌.ఆర్ ఒక‌రు.
ఈ సినిమాలో జ‌గ‌న్ పాత్ర‌లో సూర్య లేదా కార్తి.. భూమా శోభానాగిరెడ్డిగా అన‌సూయ, కె.వి.పి పాత్ర‌లో రావు ర‌మేశ్ త‌దిత‌రులు న‌టిస్తార‌ని వార్త‌లు వినిపిస్తున్న నేప‌థ్యంలో మ‌రో వార్త బ‌య‌ట‌కు వ‌చ్చింది. విన‌ప‌డుతున్న స‌మాచారం ప్ర‌కారం వై.ఎస్‌.ఆర్ తండ్రి వై.ఎస్‌.రాజారెడ్డి పాత్ర‌లో జ‌గ‌ప‌తిబాబు న‌టించ‌బోతున్నార‌ట. ఫ్యాక్ష‌న్ లీడర్ అయిన రాజారెడ్డిని ఆయ‌న ప‌త్య‌ర్థులు హ‌త్య చేసిన సంగ‌తి తెలిసిందే. ఆ హ‌త్య జ‌రిగిన స‌మ‌యంలో రాజ‌శేఖ‌ర్ రెడ్డి ప్ర‌తిప‌క్ష నేత‌గా ఉన్నారు.