தனுஷ் படத்தின் அனைத்து பணிகளும் நிறுத்திவைப்பு: தயாரிப்பு நிறுவனம் அறிவிப்பு
- IndiaGlitz, [Wednesday,March 18 2020]
தனுஷ் நடிப்பில் கார்த்திக் சுப்புராஜ் இயக்கிய ’ஜகமே தந்திரம்’ என்ற திரைப்படத்தின் படப்பிடிப்பு சமீபத்தில் முடிந்து கடந்த சில நாட்களாக இந்த படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வந்தது. கடந்த 4 நாட்களுக்கு முன்னர் இந்த படத்தின் தயாரிப்பு நிறுவனமான ஒய்நாட் ஸ்டுடியோஸ் நிறுவனம் தனது சமூக வலைப்பக்கத்தில் ’ஜகமே தந்திரம்’படத்தின் சவுண்ட் மிக்ஸிங் பணிகள் லண்டனில் சுறுசுறுப்பாக நடைபெற்று வருவதாகவும் மார்ச் இறுதியில் இந்த படத்தின் புரமோஷன் பணிகள் தொடங்கும் என்றும் மே 1ஆம் தேதி இந்தப் படம் ரிலீஸ் செய்யப்படும் என்றும் அறிவித்து இருந்தது
இந்த நிலையில் தற்போது திடீர் திருப்பமாக கொரோனா வைரஸ் காரணமாக ’ஜகமே தந்திரம்’ படத்தின் அனைத்து பணிகளும் நிறுத்தி வைக்கப்பட்டுள்ளதாக அறிவித்துள்ளது. கொரோனா வைரஸ் குறித்த நிலைமை சீரான பின்னரே இந்த படத்தின் அடுத்த கட்ட பணிகள் தொடங்கும் என்றும் ஒய்நாட் ஸ்டுடியோஸ் நிறுவனம் தெரிவித்துள்ளது. இதனால் இந்தப் படம் மே 1ஆம் தேதி திட்டமிட்டபடி ரிலீஸ் ஆகுமா என்ற கேள்வி எழுந்துள்ளது
தனுஷ், சஞ்சனா நடராஜன், ஐஸ்வர்யா லட்சுமி, ஜேம்ஸ் காஸ்மோ, கலையரசன், உள்பட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். ஸ்ரேயாஸ் கிருஷ்ணா ஒளிப்பதிவில் விவேக் ஹர்ஷன் படத்தொகுப்பில் உருவாகி வரும் இந்த படம் இந்த ஆண்டின் எதிர்பார்ப்புக்குரிய படங்களில் ஒன்று என்பது குறிப்பிடத்தக்கது
Stay Safe ! pic.twitter.com/yIfgPBPzEX
— Y Not Studios (@StudiosYNot) March 17, 2020