தமன்னாவுக்கு அண்ணனாக நடிக்கும் பிரபல தெலுங்கு நடிகர்
- IndiaGlitz, [Monday,May 23 2016]
விஷால் நடித்த 'மருது' திரைப்படம் கடந்த வெள்ளியன்று வெளியாகி நல்ல வரவேற்புடன் திரையரங்குகளில் ஓடிக்கொண்டிருக்கும் நிலையில் விஷாலின் அடுத்தபடமான 'கத்திச்சண்டை' படத்தின் படப்பிடிப்பு விறுவிறுப்பாக நடைபெற்று வருகிறது.
இந்த படத்தில் முதன்முதலாக விஷாலுக்கு ஜோடியாக தமன்னா நடித்து வருகிறார். இந்நிலையில் இந்த படத்தின் வில்லனாக பிரபல தெலுங்கு நடிகரும் 'லிங்கா', விஜய் 60' ஆகிய படங்களின் வில்லன் நடிகருமான ஜெகபதிபாபு நடித்துள்ளார் என்பதை ஏற்கனவே பார்த்தோம். தற்போது இவர் இந்த படத்தின் நாயகியான தமன்னாவுக்கு அண்ணன் கேரக்டரில் நடித்துள்ளதாக தகவல் வெளிவந்துள்ளது. ஜெகபதிபாபு இந்த படத்தின் தனது பகுதியின் படப்பிடிப்பை முடித்துவிட்டார் என்பதும் குறிப்பிடத்தக்கது.
விஷால், தமன்னா, ஜெகபதிபாபு, வடிவேலு, சூரி, சம்பத்ராஜ் உள்ளிட்ட பலர் நடித்துள்ள இந்த படத்தை சுராஜ் இயக்கி வருகிறார். ஹிப் ஹாப் தமிழா ஆதி இசையமைத்து வரும் இந்த படத்தை எஸ்.நந்தகோபால் மற்றும் விஷால் இணைந்து தயாரித்து வருகின்றனர்.