ராஜமெளலி உதவியாளருடன் இணைந்த ரஜினி-விஜய் வில்லன்
- IndiaGlitz, [Saturday,May 21 2016]
சூப்பர் ஸ்டார் ரஜினிகாந்த் நடித்த 'லிங்கா' படத்தில் வில்லனாக நடித்த பிரபல தெலுங்கு நடிகர் ஜெகபதிபாபு தற்போது இளையதளபதி விஜய் நடித்து வரும் 'விஜய் 60' படத்தின் வில்லனாக நடித்து வருகிறார் என்பது அனைவரும் அறிந்ததே.
இந்நிலையில் இவர் தற்போது முன்னாள் கர்நாடக முதல்வர் குமாரசாமியின் மகன் நிகில் நடிக்கும் 'ஜாகுவார்' என்ற படத்தில் வில்லனாக நடிக்க ஒப்பந்தமாகியுள்ளார். இந்த படத்தை பிரமாண்ட இயக்குனர் எஸ்.எஸ்.ராஜமெளலியிடம் உதவியாளராக இருந்த மகாதேவ் என்பவர் இயக்கி வருகிறார்.
இந்த படத்தில் நிகிலுக்கு ஜோடியாக தீப்தி என்ற நடிகை நடித்து வருகிறார். மேலும் ஒரு முக்கிய வேடத்தில் பிரம்மானந்தம் நடித்து வருகிறார் என்பதும் குறிப்பிடத்தக்கது.