நான் கேட்டேன், உடனே கொடுத்துட்டார்.. ஜாபருக்கு சூப்பர் ஸ்டார் ரஜினி கொடுத்த கிஃப்ட்..!
- IndiaGlitz, [Wednesday,August 23 2023]
’ஜெயிலர்’ படப்பிடிப்பின் போது சூப்பர் ஸ்டார் ரஜினிகாந்த் கொடுத்த கிஃப்ட் குறித்த தகவலை நடிகர் ஜாபர் சதீக் தனது சமூக வலைத்தளத்தில் தெரிவித்துள்ளார்.
சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படம் சமீபத்தில் வெளியாகி மிகப்பெரிய வெற்றி பெற்றது என்பதும் இந்த படம் 500 கோடி ரூபாய் வசூலை தாண்டி விட்டதாகவும் கூறப்படுகிறது.
இந்த நிலையில் இந்த படத்தில் சின்ன சின்ன கேரக்டரில் நடித்தவர்கள் கூட ரசிகர்கள் பார்வையில் கவனம் பெற்றார்கள் என்பதும் அந்த வகையில் சில நிமிடங்களே வந்தாலும் ஜாபர் சாதிக் கேரக்டர் சூப்பராக இருந்தது என்பதும் குறிப்பிடத்தக்கது.
இந்த நிலையில் ’ஜெயிலர்’ படத்தின் படப்பிடிப்பு நடந்து கொண்டிருக்கும் போது இந்த படத்திற்காக சூப்பர் ஸ்டார் பயன்படுத்திய கூலிங் கிளாஸ் கண்ணாடியை தான் கேட்டதாகவும் உடனே அந்த கண்ணாடியை தனக்கு பரிசாக சூப்பர் ஸ்டார் ரஜினி கொடுத்ததாகவும் ஜாபர் சாதிக் தெரிவித்துள்ளார்.
நான் கேட்டேன், உடனே அவர் கொடுத்துவிட்டார், அவருக்கு எனது நன்றி என்று கூறி அந்த கண்ணாடியின் புகைப்படங்களையும் தனது சமூக வலைத்தளத்தில் ஜாபர் சாதிக் பதிவு செய்துள்ளார். இந்த பதிவு தற்போது வைரல் ஆகி வருகிறது.
Na ketean , avar kuduthutar 04-07-2023 ❤️ Thank you my #superstar @rajinikanth ⭐️ picture says everything,en ellamey :) #jailer #Rajinikanth @sunpictures pic.twitter.com/FW3h38Wjbx
— jaffer sadiq (@JafferJiky) August 22, 2023