ரவீந்திர ஜடேஜாவின் மனைவி கிரிக்கெட் விளையாடி பார்த்த் இருக்கீங்களா? செம வீடியோ..!
- IndiaGlitz, [Tuesday,April 18 2023] Sports News
இந்திய கிரிக்கெட் அணியின் முன்னணி ஆல்ரவுண்டரும் சிஎஸ்கே அணி வீரருமான ஜடேஜா களத்தில் இருந்தாலே அதிரடியாக இருக்கும் என்பதும் அவர் பேட்ஸ்மேன் ஆக இருந்தாலும் பௌலராக இருந்தாலும் ரசிகர்களின் ஆதரவு மைதானத்தில் இருக்கும் என்பதும் தெரிந்ததே.
இந்த நிலையில் ஜடேஜாவின் மனைவி கிரிக்கெட் ஆடும் வீடியோ இணையதளங்களில் வைரல் ஆகி வருவதை அடுத்து இந்த வீடியோவை பார்த்து ரசிகர்கள் ஆச்சரியம் அடைந்துள்ளனர்.
கிரிக்கெட் வீரர் ஜடேஜா கடந்த 2016 ஆம் ஆண்டு ரிவாபா என்பவரை திருமணம் செய்து கொண்டார் என்பதும் இந்த தம்பதிக்கு ஒரு மகள் இருக்கிறார் என்பது குறிப்பிடத்தக்கது. மேலும் ஜடேஜாவின் மனைவி ரிவாபா கடந்த ஆண்டு நடைபெற்ற குஜராத் மாநில சட்டமன்ற தேர்தலில் பாரதிய ஜனதா கட்சியின் வேட்பாளராக போட்டியிட்டு வெற்றி பெற்றார் என்பதும் குறிப்பிடத்தக்கது.
இந்த நிலையில் சமீபத்தில் குஜராத்தில் உள்ளூர் கிரிக்கெட் போட்டி நடைபெற்ற நிலையில் இந்த போட்டியில் ஜடேஜாவின் மனைவி ரிவாபா கலந்து கொண்டு பேட்டிங் செய்தார். அவர் அதிரடியாக பந்தை விரட்டிய வீடியோவை பார்த்து ரசிகர்கள் ஆச்சரியமடைந்து கமெண்ட்ஸ்களை பதிவு செய்து வருகின்றனர்.