சிறந்த மனிதர்: ரக்சனுக்கு பிறந்த நாள் வாழ்த்து கூறிய ஜாக்குலின்
- IndiaGlitz, [Thursday,April 16 2020]
விஜய் டிவியில் பார்வையாளர்களால் பெரும் புகழ்பெற்ற நிகழ்ச்சிகளில் ஒன்று ‘கலக்கப்போவது யாரு’ என்ற நிகழ்ச்சியை தொகுத்து வழங்கியவர்கள் ரக்சன் மற்றும் ஜாக்குலின் என்பது தெரிந்ததே. இந்த நிகழ்ச்சியை அதில் பங்குபெறும் போட்டியாளர்களுக்காக பார்த்ததை விட தொகுத்து வழங்கும் ஜாக்லின் மற்றும் ரக்சனுக்காக பார்த்தவர்கள் அதிகம் என்பதும், அந்த அளவுக்கு இவர்கள் இருவருடைய கெமிஸ்ட்ரி மற்றும் டைமிங் ஜோக்குகள் அனைவரையும் கவரும் வகையில் இருக்கும் என்பதும் குறிப்பிடதக்கது.
இந்த நிலையில் இன்று ரக்சன் தனது பிறந்த நாளை கொண்டாடி வருகிறார். அவருக்கு பலர் சமூக வலைத்தளங்கள் மூலம் வாழ்த்துக்களை தெரிவித்து வருகின்றனர். சமீபத்தில் ரக்சன் நடித்த ’கண்ணும் கண்ணும் கொள்ளையடித்தால்’ என்ற திரைப்படம் மிகப்பெரிய வெற்றியை பெற்றுள்ள நிலையில் இந்த பிறந்தநாள் அவருக்கு வெற்றி பிறந்த நாளாக கருதப்படுகிறது.
இந்த நிலையில் ரக்சனின் சக நிகழ்ச்சித் தொகுப்பாளரான ஜாக்குலின் தனது சமூக வலைத்தளத்தில் ரக்சனுக்கு பிறந்தநாள் வாழ்த்துக்களை தெரிவித்துள்ளார். மிகச்சிறந்த மனிதரான ரக்சனுக்கு எனது பிறந்தநாள் வாழ்த்துக்கள். அவரை தற்போது பெரிய திரையில் பார்ப்பது மிகவும் மகிழ்ச்சியாக இருக்கின்றது. இந்த வருடம் அவருக்கு திரைத்துறையில் அதிக வெற்றிகள் கிடைக்க வாழ்த்துகிறேன்’ என்று கூறியுள்ளார். ஜாக்குலினின் இந்த டுவீட் தற்போது வைரலாகி வருகிறது.
Happy birthday Rakshan best soul who has been there for years .. nice to see u in big screen and this birthday will bring u all the happiness and success in cinema ????... #coanchor #friend #secretkeeper #goodsoul #hero pic.twitter.com/c2ItwlYYL9
— Jacquline Fernandas (@jacquline_vj) April 16, 2020