ஆசியாவின் சூப்பர் ஸ்டார் என்று போற்றப்படும் ஜாக்கிசான் நடித்த 'குங்பூ யோகா' திரைப்படம் கடந்த ஆண்டு வெளியான நிலையில் அந்த படத்தில் பணிபுரிந்த முக்கிய நடிகர்களுக்கும் மேலும் தனக்கு நெருக்கமானவர்களுக்கும் ஜாக்கி சான் பரிசு ஒன்றை அனுப்பியுள்ளார். அதுதான் மிகவும் குறைந்த அளவே தயாரிக்கப்பட்ட அபூர்வமான சர்ட்ஜாக்கெட்,. இந்த பரிசை பெற்றவர்களில் ஒருவர் பாலிவுட் நடிகர் சோனு சூத் அவர்களும் ஒருவர் என்பது குறிப்பிடத்தக்கது. இந்த பரிசுடன் ஜாக்கிசான் கைப்பட எழுதிய கடிதம் ஒன்றும் இணைக்கப்பட்டுள்ளது. அதில் அவர் எழுதியிருப்பதாவது:

JC ஸ்டண்ட் டீமீன் 40வது ஆண்டுவிழாவை அடுத்து தயாரிக்கப்பட்ட ஸ்பெஷல் சர்ட்ஜாக்கெட் இது. மிகச்சிறந்த லெதர் கொண்டு மிகச்சிறந்த நிறுவனத்தின் தயாரிப்பில் உருவான இந்த சர்ட்ஜாக்கெட், மிகவும் கவனத்துடன் கலை நுணுக்கத்துடன் தயாரிக்கப்பட்டது. இந்த பரிசின் மதிப்பு குறித்து நான் கூற விரும்பவில்லை. ஆனால் இந்த பரிசு பல எண்ணங்களையும் நினைவுகளையும் ஞாபகப்படுத்தும். இந்த பரிசை எனக்கு மிகவும் நெருக்கமானவர்களுக்கு மட்டும் அனுப்பியுள்ளேன். இது குளிர்காலத்திற்கு உதவும் என்று நினைக்கின்றேன். இந்த சர்ட்ஜாக்கெட்டை பார்க்கும்போது நீங்கள் என்னை நினைவுகொள்வீர்கள், அணியும்போது என்னை கட்டிப்பிடித்தது போல் உணர்வீர்கள்' என்று ஜாக்கிசான் அந்த கடிதத்தில் குறிப்பிட்டுள்ளார்.