తన క‌ల నెరవేరుతుంది అంటూ ఆనందంలో జానీ మాస్ట‌ర్..!
- IndiaGlitz, [Friday,November 11 2016]
జానీ మాస్ట‌ర్ తన క‌ల నెర‌వెరుతుంది అంటూ చాలా చాలా ఆనందంలో ఉన్నారు. ఇంత‌కీ...జానీ మాస్ట‌ర్ క‌ల ఏమిటంటే...మెగాస్టార్ చిరంజీవి సాంగ్ కు కొరియోగ్ర‌ఫీ అందించ‌డం. అది చిరంజీవి - వి.వి.వినాయ‌క్ కాంబినేష‌న్లో రూపొందుతున్న భారీ చిత్రం ఖైదీ నెంబ‌ర్ 150 లోని సాంగ్ కు కొరియోగ్ర‌ఫీ అందిస్తుండ‌డం ద్వారా నెరవేరుతుంది.
ఈ విష‌యాన్ని జానీ మాస్ట‌ర్ స్వ‌యంగా ట్విట్ట‌ర్ ద్వారా తెలియ‌చేస్తూ....చిరంజీవి గారి స్టెప్స్ చూస్తూ పెరిగాను. చిరంజీవి గారికి కొరియోగ్ర‌ఫీ అందించ‌డం అనేది నా క‌ల. అది ఇప్పుడు నెర‌వేరుతున్నందుకు చాలా చాలా సంతోషంగా ఉన్నాను. అలాగే చిరంజీవి గారికి ఎలాంటి స్టెప్స్ కంపోజ్ చేయాలి అనే భ‌యం కూడా ఉంది. లైఫ్ లో ఫ‌స్ట్ టైమ్ భ‌య‌ప‌డుతున్నాను అంటూ తన ఆనందాన్ని ట్విట్ట‌ర్ ద్వారా షేర్ చేసుకున్నారు. చిరంజీవి, కాజ‌ల్ పై సాంగ్ ను స్లోవేనియాలో చిత్రీక‌రిస్తున్నారు. ఈ ప్ర‌తిష్టాత్మ‌క చిత్రాన్ని సంక్రాంతికి రిలీజ్ చేయ‌నున్నారు.