தல அஜித் நடித்து வரும் 'விவேகம்' படத்தின் ஃபர்ஸ்ட்லுக் இன்று அதிகாலை வெளியாகி உலகம் முழுவதும் பெரும் பரபரப்பை ஏற்படுத்தி வரும் நிலையில் இந்த ஃபர்ஸ்ட் லுக்கிற்கு அஜித் ரசிகர்களின் மிகப்பெரிய வரவேற்பு கிடைத்துள்ளது.

இந்நிலையில் அஜித் ரசிகர்கள் இந்த பர்ஸ்ட்லுக்கில் அஜித்தின் அட்டகாசமான லுக்கை ரசிப்பதில் மட்டுமின்றி இதன் மற்ற சிறப்பம்சங்களையும் ஆராய்ந்து சமூக வலைத்தளத்தில் கருத்துக்களை வெளியிட்டு வருகின்றனர்.

அந்த வகையில் இந்த படத்தின் டைட்டிலில் ஒரு மொபைல் நம்பர் ஒளிந்திருப்பதை அஜித் ரசிகர் ஒருவர் கண்டுபிடித்து அதை சமூக வலைத்தளத்தில் வைரலாக்கி வருகிறார். 'விவேகம்' என்ற டைட்டில் ஃபாண்டில் '9 5 0 0 9 1 2 6 1 0' என்ற மொபைல் நம்பர் இருப்பதாகவும், அந்த நம்பருக்கும் படத்தின் கதைக்கும் முக்கிய சம்பந்தம் இருக்கலாம்' என்றும் பலர் கருத்து தெரிவித்து வருகின்றனர்.

ஆனால் இந்த கருத்தை 'விவேகம்' படக்குழுவினர் மறுத்தோ, சம்மதித்தோ எதுவும் இதுவரை தெரிவிக்கவில்லை. இந்த நம்பருக்கும் விவேகம் படத்திற்கு சம்பந்தம் உண்டா? என்பது படம் வெளிவந்த பின்னர்தான் தெரியவரும்.