ఇప్పుడు ప్రభుదేవా వంతు..
- IndiaGlitz, [Saturday,September 16 2017]
సీనియ‌ర్ హీరోల‌తో పాటు, క‌థ, క‌థ‌నం బావుంటే యంగ్ హీరోలు కూడా నెగ‌టివ్ షేడ్ ఉన్న క్యారెక్ట‌ర్స్ చేయ‌డానికి ఆస‌క్తి చూపిస్తున్నారు. వివ‌రాల్లోకెళ్తే..కొరియోగ్రాఫర్‌గా కెరీర్ స్టార్ట్ చేసిన ప్రభుదేవా త‌ర్వాత డ్యాన్స్ మాస్ట‌ర్‌గా, న‌టుడిగా, ద‌ర్శ‌కుడిగా, నిర్మాత‌గా మారారు.
అన్నింట్లో స‌క్సెస్ అయిన ప్రభుదేవా ఇప్పుడు రూట్ మార్చి విల‌న్‌గా న‌టించ‌బోతున్నాడ‌ని స‌మాచారం. పిజ్జా ద‌ర్శ‌కుడు కార్తీక్ సుబ్బరాజు ద‌ర్శ‌క‌త్వంలో రూపొంద‌నున్న 'మెర్‌క్యురి' అనే చిత్రంలో ప్రభుదేవా విల‌న్‌గా చేస్తున్నాడు.
కార్తీక్ సుబ్బరాజు సినిమాలంటే కొత్త‌గానే ఉంటాయి. తీసిన సినిమాల‌న్నీ ప్రేక్ష‌కాద‌ర‌ణ పొందిన‌వే. ఇప్పుడు ప్ర‌భుదేవాను కొత్త కోణంలో చూపిస్తున్నాడు. టీవీల్లో న‌టించిన స‌న‌త్ రెడ్డి ఈ చిత్రంలో హీరోగా న‌టిస్తున్నాడు. అస‌లు ప్రభుదేవా విల‌నిజం ఎలా ఉంటుంద‌నేది ఇండ‌స్ట్రీ వ‌ర్గాల్లో ఆస‌క్తిక‌రంగా మారింది.