'అ!'సినిమాకి అదో ప్లస్ పాయింట్
- IndiaGlitz, [Thursday,February 15 2018]
క‌థానాయ‌కుడిగా వ‌రుస విజ‌యాల‌తో ఫుల్ ఫామ్‌లో ఉన్నారు యువ క‌థానాయ‌కుడు నాని. 'భ‌లే భ‌లే మ‌గాడివోయ్' నుంచి 'ఎంసీఏ' వ‌ర‌కు వ‌రుస‌గా ఏడు విజ‌యాల‌తో టాక్ ఆఫ్ టాలీవుడ్ అయ్యారు ఈ నేచురల్ స్టార్. ఇదిలా ఉంటే.. నాని నిర్మాత‌గా మారి.. వాల్ పోస్ట‌ర్ సినిమా ప‌తాకంపై 'అ!' చిత్రాన్ని నిర్మించిన సంగ‌తి తెలిసిందే. కాజల్ అగ‌ర్వాల్‌, నిత్యా మీన‌న్‌, రెజీనా, ఈషా రెబ్బా, ముర‌ళీ శ‌ర్మ, అవ‌స‌రాల శ్రీ‌నివాస్‌, ప్రియ‌ద‌ర్శి..
ఇలా ఆక‌ర్ష‌ణీయ‌మైన తారాగ‌ణంతో కాన్సెప్ట్ ఒరియెంటెడ్ ఫిల్మ్‌గా ఈ చిత్రాన్ని నిర్మించారు నాని. ప్ర‌శాంత్ వ‌ర్మ ద‌ర్శ‌కుడిగా ప‌రిచ‌య‌మ‌వుతున్న ఈ సినిమా శుక్ర‌వారం (రేపు) తెర‌పైకి రానుంది. ఇదిలా ఉంటే.. ఈ సినిమాకి సంబంధించి ఓ ఆస‌క్తిక‌ర‌మైన విషయం తెలిసింది. అదేమిటంటే.. ఈ సినిమా నిడివి కేవలం 115 నిమిషాలు. అంటే.. రెండు గంట‌ల్లోపే ఈ సినిమా ఉంటుంద‌న్న‌మాట. ఒక ర‌కంగా.. ఇది సినిమాకి క‌లిసొచ్చే అంశంగానే చెప్పుకోవాలి.