మోహ‌న్‌బాబుతో ఐటెమ్ భామ‌లు...
- IndiaGlitz, [Saturday,September 16 2017]
విల‌క్ష‌ణ న‌టుడిగా, నిర్మాత‌గా రాణించిన మోహ‌న్‌బాబు చాలా గ్యాప్ త‌ర్వాత పూర్తి స్థాయి చిత్రంలో నటిస్తున్న చిత్రం 'గాయ‌త్రి'. ఇందులో మోహ‌న్‌బాబు త‌న‌యుడు, హీరో విష్ణు కూడా కీల‌క‌పాత్ర‌లో న‌టిస్తున్నాడు. మోహ‌న్‌బాబు త‌న‌య‌గా నిఖిలా విమ‌ల్ న‌టిస్తుంది.
ఈ సినిమా చిత్రీక‌ర‌ణ తిరుప‌తిలో జ‌రుగుతుంది. సెట్ వేసి అందులో పాట‌ను చిత్రీక‌రించారు. ఈ పాట‌లో మోహ‌న్‌బాబు ఐటెమ్ భామ‌లు మధు, స్కార్లెట్ ఆడి పాడారు. గ‌తంలో వీరిద్ద‌రూ బాహుబ‌లి చిత్రంలో మ‌నోహ‌రీ.. పాట‌లో ప్ర‌భాస్‌తో న‌ర్తించారు. గాయ‌త్రి సినిమా తమిళ సినిమా 'ప‌వ‌ర్ పాండి'కి రీమేక్‌గా తెర‌కెక్కుతోందని స‌మాచారం.