నేరుగా మార్కెట్లోకే!
- IndiaGlitz, [Monday,September 17 2018]
స్టార్ హీరో అయిన త‌ర్వాత ఎన్టీఆర్ సినిమాకు ఆడియో వేడుక జ‌ర‌గ‌క‌పోవ‌డం ఇదే తొలిసారి. యంగ్‌టైగ‌ర్ ఎన్టీఆర్ సినిమా అంటే ఓ క్రేజ్ ఉంటుంది. బాక్సాఫీస్ వ‌ద్ద ఎన్నో అంచ‌నాలుంటాయి. అందులోనూ త్రివిక్ర‌మ్ వంటి ద‌ర్శ‌కుడితో సినిమా అంటే 'అర‌వింద స‌మేత' సినిమాపై ఎలాంటి ఎక్స్‌పెక్టేష‌న్స్ ఉంటాయో ప్ర‌త్యేకంగా చెప్ప‌న‌క్క‌ర్లేదు. కానీ ఈసారి ఎన్టీఆర్ ఆడియో పరంగా ఎలాంటి హంగూ ఆర్బాటం లేకుండా పాట‌ల‌ను నేరుగా మార్కెట్లోకే విడుద‌ల చేసేస్తున్నారు.
అక్టోబ‌ర్ 11న సినిమా విడుద‌ల కానుంది. కాబ‌ట్టి విడుద‌ల ముందు ప్రీ రిలీజ్ ఈవెంట్‌ను నిర్వ‌హిస్తారంతే. హారిక అండ్ హాసిని క్రియేష‌న్స్ బ్యాన‌ర్‌పై ఎస్‌.రాధాకృష్ణ(చిన‌బాబు) నిర్మిస్తున్న ఈ సినిమాలో పూజా హెగ్డే హీరోయిన్‌గా న‌టిస్తుంది. ఆల్ రెడీ ఆన్ లైన్‌లోఓ పాట కూడా విడుద‌లై మంచి స్పంద‌న‌ను రాబ‌ట్టుకుంది మ‌రి.