ரஜினி படம் குறித்து கார்த்திக் சுப்புராஜ் கூறிய முக்கிய தகவல்
- IndiaGlitz, [Tuesday,April 24 2018]
இயக்குனர் கார்த்திக் சுப்புராஜ் இயக்கிய 'மெர்க்குரி' திரைப்படம் கடந்த வாரம் வெளியாகி திரையரங்குகளில் நல்ல வசூலை தந்து கொண்டிருக்கும் நிலையில் இந்த படத்தை சமீபத்தில் பார்த்த சூப்பர் ஸ்டார் ரஜினிகாந்த், இயக்குனர் கார்த்திக் சுப்புராஜ் உள்பட படக்குழுவினர் அனைவரையும் நேரில் வரவழைத்து பாராட்டு தெரிவித்தார்.
இந்த நிலையில் ரஜினியின் அடுத்த படத்தை இயக்கவுள்ள கார்த்திக் சுப்புராஜ், 'ரஜினியை நான் இயக்கும் படம் ஒரு ஆக்சன் படம் என்றும், இந்த படத்தின் கதையை தற்போது எழுதி கொண்டிருப்பதாகவும், விரைவில் இந்த படத்தின் நடிக்கும் நட்சத்திரங்கள் உறுதி செய்யப்படுவார்கள் என்றும் கூறினார்.
ஏற்கனவே ரஜினியின் 'கபாலி' காலா' ஆகியவை ஆக்சன் படங்களாக இருக்கும் நிலையில் ரஜினியின் அடுத்த படமும் ஆக்சன் படம் தான் என்பது கார்த்திக் சுப்புராஜின் இந்த பேட்டியின் மூலம் உறுதியாகியுள்ளது.
சன்பிக்சர்ஸ் நிறுவனம் தயாரிக்கும் இந்த படத்தின் படப்பிடிப்பு விரைவில் தொடங்கவுள்ளது