ఏషియన్‌ సంస్థపై ఐటీ దాడులు
- IndiaGlitz, [Tuesday,October 22 2019]
సీనియర్ డిస్ట్రిబ్యూషన్‌ సంస్థ, నిర్మాత సునీల్‌ నారంగ్‌, నారాయణదాస్‌ నారంగ్‌లకు చెందిన ఏషియస్‌ సంస్థలపై ఐటీ దాడులు జరిగాయి. సంస్థ ప్రతినిధులతో పాటు వారి సన్నిహితులపైన కూడా ఐటీ దాడులు జరిగాయి. పెద్ద పెద్ద స్టార్ సినిమాలను నైజాం ఏరియాలో రిలీజ్‌ చేస్తుండటంతో పాటు, సినిమా నిర్మాణ రంగంలోనూ, థియేటర్స్‌ నిర్మానంలో ఏషియన్‌ సంస్థ అడుగు పెట్టిన సంగతి తెలిసిందే. తాజాగా మహేశ్‌తో కలిసి ఏఎంబీ సినిమాస్‌ అనే మల్టీప్లెక్స్‌ను నిర్మించిన ఈ సంస్థ త్వరలోనే బన్నీతో కూడా ఓ మల్టీప్లెక్స్‌ను నిర్మించాలనుకుంటుంది. అలాగే నాగచైతన్య, సాయిపల్లవి, శేఖర్‌ కమ్ముల కాంబినేషన్‌లో ఓ సినిమాను కూడా నిర్మిస్తుంది.