స్వీటీ సింగం అందుకే చేయలేదు
- IndiaGlitz, [Thursday,October 15 2015]
బాలీవుడ్ సింగంలో అనుష్క కు ఆఫ‌ర్ వ‌చ్చింది. అయితే ఆమె కాద‌న‌డంతో ఆ ఆఫ‌ర్ కాజ‌ల్‌ను వెతుక్కుంటూ వెళ్ళింది. దీని గురించి అనుష్క మాట్లాడుతూ ''న‌న్ను సింగం సినిమాను చేయ‌మ‌ని బాలీవుడ్ రోహిత్ శెట్టి ఆఫ‌ర్ చేశారు. కానీ నెంబ‌ర్లు (పారితోషికం) ద‌గ్గ‌ర ఎక్క‌డో మిస్ అండ‌ర్‌స్టాండింగ్ అయింది. నేను ఆ సినిమాను ఎందుకు వ‌దులుకున్నానో అని ఊహిస్తూ చాలా మంది చాలా విష‌యాల‌ను రాశారు. కానీ అందులో నిజం లేదు. నిజానిజాలు నాకు తెలుసు. అలాగే ఇప్ప‌టివ‌ర‌కు నాకు బాలీవుడ్ లో ఎగ్జ‌యిటింగ్ ఆఫ‌ర్లు రాలేదు.
తెలుగులో ప్ర‌స్తుతం సింగం3, బాహుబ‌లి2లో చేస్తున్నాను. నాకు తొలిసారి హ‌రి సార్ త‌మిళ సింగం సినిమాను ఆఫ‌ర్ చేసిన‌ప్పుడు చాలా ఆనందంగా ఫీల‌య్యాను. సూర్య ప‌క్క‌న న‌టించే అవ‌కావశం వ‌చ్చింద‌ని. అలాగే సింగం2 కోసం అడిగినప్పుడు న‌న్ను నేను మ‌ర్చిపోయాను. ఇప్పుడు సింగం3లో అవ‌కాశం వ‌చ్చింది. ఒక స‌క్సెస్ పుల్ ప్రాజెక్ట్ లో న‌టించ‌డ‌మంటే చాలా అదృష్టం ఉండాలి. అంత‌టి అదృష్టం నాకు ఉన్నందుకు ఆనందంగా ఉంది'' అని చెప్పుకొచ్చింది స్వీటీ.