క‌మ‌ల్ హాస‌న్‌, బాల‌కృష్ణ ఇప్ప‌టివ‌ర‌కు స్క్రీన్ షేర్ చేసుకున్న సంద‌ర్భాలైతే లేవు కానీ.. ఈ ఇద్ద‌రికీ త‌మ త‌మ కొత్త చిత్రాల విష‌యంలో ఒకే ప‌రిస్థితి ఎదుర‌వుతోంది. అదేమిటంటే.. త‌మ వార‌సులని ఆయా చిత్రాల‌లో ఏదో రూపంలో భాగం చేయ‌డం. క‌మ‌ల్ హాస‌న్ విష‌యం తీసుకుంటే.. తెలుగు, త‌మిళం, హిందీ భాష‌ల్లో 'శ‌భాష్ నాయుడు' సినిమా చేస్తున్న సంగ‌తి తెలిసిందే. ఈ సినిమా కోసం తొలిసారిగా క‌మ‌ల్‌, ఆయ‌న త‌న‌య శ్రుతి హాస‌న్ క‌లిసి న‌టిస్తుంటే.. క‌మ‌ల్ రెండో కూతురు అక్ష‌ర హాస‌న్ అసిస్టెంట్ డైరెక్ట‌ర్‌గా వ్య‌వ‌హ‌రిస్తోంది.

ఇక బాల‌కృష్ణ విష‌యం తీసుకుంటే.. ఆయ‌న న‌టిస్తున్న 100వ చిత్రం 'గౌత‌మీపుత్ర శాత‌క‌ర్ణి'కి ఆయ‌న త‌న‌యుడు మోక్ష‌జ్ఞ అసిస్టెంట్ డైరెక్ట‌ర్ గా వ్య‌వ‌హ‌రిస్తున్న‌సంగ‌తి తెలిసిందే. మ‌రి వారసుల‌కు ఇలా కొత్త బాధ్య‌త‌ల‌ను అప్ప‌గించిన ఈ స్టార్‌ల‌కు ఎలాంటి ఫ‌లితాలు ల‌భిస్తాయో చూడాలి.

విశేష‌మేమిటంటే.. క‌మ‌ల్ 'శ‌భాష్ నాయుడు' డిసెంబ‌ర్‌లో విడుద‌ల కానుంటే.. బాల‌కృష్ణ 'గౌత‌మీ పుత్ర శాత‌క‌ర్ణి' జ‌న‌వ‌రిలో విడుద‌ల కానుంది. అంటే నెల రోజుల గ్యాప్‌లో.. అసిస్టెంట్ డైరెక్ట‌ర్‌లుగా త‌మ వార‌సుల్ని మ‌లుచుకుంటున్నఇద్ద‌రి స్టార్ హీరోల సినిమాలు ప్రేక్ష‌కుల ముందుకు రానున్నాయ‌న్న‌మాట‌.