కాజల్ కిదే తొలిసారి
- IndiaGlitz, [Saturday,August 19 2017]
డ‌బుల్ ఆస్కార్ విన్న‌ర్ ఎ.ఆర్‌.రెహ‌మాన్ సంగీతంలో సినిమా చేయాల‌ని ఎవ‌రికి ఉండ‌దు? స‌్టార్ హీరోయిన్ కాజల్ అగ‌ర్వాల్ కూడా అందుకు మిన‌హాయింపేమి కాదు. కెరీర్ ప్రారంభించి ప‌దేళ్ల‌యినా.. తెలుగు, తమిళ్‌, హిందీ భాష‌ల్లో సినిమాలు చేసినా.. ఇప్ప‌టివ‌ర‌కు రెహ‌మాన్ సంగీతంలో కాజల్ ఒక్క సినిమా కూడా చేయ‌లేదు. అయితే ఆ లోటు కూడా తీరుతోంది.
విజ‌య్ హీరోగా రాజా రాణి ఫేమ్ అట్లీ ద‌ర్శ‌కత్వంలో రూపొందుతున్న మెర్సల్ అనే త‌మిళ చిత్రంలో కాజల్ ఓ హీరోయిన్‌గా న‌టిస్తోంది. దీనికి ఎ.ఆర్‌.రెహ‌మాన్ సంగీత ద‌ర్శ‌క‌త్వం వ‌హిస్తున్నాడు. ఇప్ప‌టికే రెండు సింగిల్స్ విడుద‌ల‌య్యాయి. రెండింటికీ మంచి రెస్పాన్స్ వ‌స్తోంది. ఆడియో కూడా ఈ వారంలోనే విడుద‌ల కానుంది. ఎ.ఆర్‌.రెహ‌మాన్ సంగీతంలో తొలిసారిగా న‌టిస్తుండ‌డంతో కాజల్ ఉద్వేగానికి గుర‌వుతోంద‌ట. మెర్సల్ తెలుగులోనూ అనువాద రూపంలో సంద‌డి చేయనుంది.