తమ్ముడి తర్వాత అన్నతో
- IndiaGlitz, [Tuesday,July 25 2017]
టాలీవుడ్‌లో టాప్ హీరోయిన్‌గా కొన‌సాగుతున్న ర‌కుల్ ప్రీత్ సింగ్ త‌మిళంలో కూడా 'ధీర‌న్ అధిగారం ఒండ్రు' అనే సినిమాతో ఎంట్రీ ఇచ్చింది. హీరో కార్తీ ఈ సినిమాలో హీరోగా న‌టిస్తున్నాడు. ఈ సినిమా కాకుండా మ‌హేష్‌బాబు స్పైడ‌ర్ త‌మిళంలో కూడా విడుద‌ల‌వుతుంది. ఈ రెండు సినిమాలతో ర‌కుల్‌కు త‌మిళంలో మంచి క్రేజ్ వ‌చ్చింది. ఇప్పుడు ఎ.ఆర్‌.మురుగ‌దాస్ త‌న త‌దుప‌రి చిత్రంలో ర‌కుల్‌నే హీరోయిన్‌గా తీసుకోబోతున్నాడు.
ఈ సినిమా కాకుండా సెల్వరాఘవన్, సూర్య కాంబినేష‌న్‌లో ఓ సినిమా రూపొంద‌నున్న సంగ‌తి తెలిసిందే. ఈ సినిమాలో కూడా ర‌కుల్‌నే హీరోయిన్‌గా తీసుకుంటార‌ట. సూర్య ప్ర‌స్తుతం తానా సెంద కూట్ట‌మ్ సినిమాతో బిజీగా ఉన్నాడు. ఈ సినిమా పూర్తి కాగానే సెల్వరాఘవన్ సినిమా మొద‌ల‌వుతుంది. మ‌రో ప‌క్క ఇరుదు సుట్రు ద‌ర్శ‌కురాలు సుధ కొంగ‌ర దర్శకత్వంలో సూర్య మ‌రో సినిమా చేయ‌బోతున్నాడు.