రకుల్ కి ఆ రోజు ప్రత్యేకం
- IndiaGlitz, [Tuesday,September 19 2017]
ప్ర‌స్తుతం టాలీవుడ్ టాప్ హీరోయిన్‌లో ఒక‌రిగా పేరు తెచ్చుకుంది రకుల్ ప్రీత్ సింగ్‌. ఎన్టీఆర్‌, రామ్‌చ‌ర‌ణ్‌, అల్లు అర్జున్ చిత్రాల్లో హీరోయిన్‌గా న‌టించి విజ‌యాల‌ను సైతం సొంతం చేసుకున్న ఈ ముద్దుగుమ్మ.. మ‌హేష్‌బాబుతో స్పైడ‌ర్ కోసం తొలిసారి జోడీ క‌ట్టింది. ద‌స‌రా కానుక‌గా ఈ నెల 27న ఈ సినిమా ప్రేక్ష‌కుల ముందుకు రానుంది. తెలుగు, త‌మిళ భాష‌ల్లో ద్విభాషా చిత్రంగా తెర‌కెక్కిన ఈ సినిమాపై భారీ అంచ‌నాలే ఉన్నాయి.
ఇదిలా ఉంటే.. అదే 27న రకుల్ న‌టించిన మ‌రో ద్విభాషా చిత్రం ఖాకీ టీజ‌ర్ కూడా విడుద‌ల కాబోతోంది. అంటే.. ఒకే రోజు ర‌కుల్‌కి సంబంధించిన రెండు ద్విభాషా సినిమాల్లో.. ఒక‌టి టీజ‌ర్‌ని విడుద‌ల చేసుకుంటుంటే, మ‌రొక‌టి ఏకంగా సినిమానే రిలీజ్ కాబోతుంద‌న్న‌మాట. ఈ రెండు సినిమాల్లో డిఫ‌రెంట్ క్యారెక్ట‌ర్‌లు చేసిన ర‌కుల్‌కి ఆ రోజు నిజంగానే ప్ర‌త్యేకంగా నిల‌వ‌నుంది. కార్తీ హీరోగా న‌టించిన ఖాకీ చిత్రం త‌మిళంలో దీర‌న్ అధిగారం ఒండ్రు పేరుతో తెర‌కెక్కింది. న‌వంబ‌ర్ 17న ఈ సినిమా విడుద‌ల కానుంది.