కరోనా ప్రభావంతో ఏర్ప‌డ్డ లాక్‌డౌన్ కార‌ణంగా థియేట‌ర్స్ బంద్ కావ‌డం.. షూటింగ్స్ ఆగిపోయాయి. ఇప్పుడిప్పుడే షూటింగ్స్ స్టార్ట్ అవుతున్నాయి. క‌రోనా ఎఫెక్ట్‌తో ప్లానింగ్‌లో వెళ్లాల‌నుకున్న స్టార్ హీరోల సినిమాలు కూడా వాయిదాలు మీద వాయిదాలు ప‌డుతూ వ‌చ్చాయి. ఈ స్టార్ హీరోల లిస్టులో యంగ్ టైగ‌ర్ ఎన్టీఆర్ కూడా ఉన్నారు. యంగ్ టైగ‌ర్ ఎన్టీఆర్ ప్ర‌స్తుతం రాజ‌మౌళి ద‌ర్శ‌క‌త్వంలో మెగాప‌వ‌ర్‌స్టార్ రామ్‌చ‌ర‌ణ్‌తో క‌లిసి భారీ బ‌డ్జెట్ చిత్రం ‘రౌద్రం ర‌ణం రుధిరం(ఆర్ఆర్ఆర్‌)’లో న‌టిస్తోన్న సంగ‌తి తెలిసిందే.

క‌రోనా ఎఫెక్ట్ లేకుండా ఉంటే ఈపాటికి చిత్రీక‌ర‌ణ ముగిసేది. ఎన్టీఆర్ త‌దుప‌రి సినిమా ప్రారంభ‌మై ఉండేది. కానీ ప‌రిస్థితుల‌పై క‌లిసి రాలేదు. ఈ విష‌యాన్ని ప‌క్క‌న పెడితే త్రివిక్ర‌మ్ మాత్రం ఓపిక‌గానే తార‌క్ కోసం వెయిటింగ్‌లో ఉన్నాడు. ఈ సినిమాకు ‘అయిన‌ను పోయి రావలె హస్తినకు’ అనే టైటిల్‌ను అనుకుంటున్న‌ట్లు వార్త‌లు వినిపించాయి. కానీ ఇప్పుడు త్రివిక్ర‌మ్ ఈ టైటిల్‌ను మార్చాల‌నుకుంటున్నార‌నే వార్త‌లు వినిపిస్తున్నాయి. ఒక‌వేళ అదే నిజ‌మైతే ఎప్ప‌టిలా త‌న సెంటిమెంట్‌ను ఫాలో అవుతూ త్రివిక్ర‌మ్ ‘అ’ అక్ష‌రం వ‌చ్చేలానే టైటిల్‌ను నిర్ణ‌యిస్తారో లేదో చూడాలి. హారిక అండ్ హాసిని క్రియేష‌న్స్‌, ఎన్టీఆర్ట్స్ ప‌తాకాల‌పై ఈ సినిమా నిర్మితం కానుంది.