உலகநாயகன் கமலஹாசன் தொகுத்து வழங்க உள்ள பிக்பாஸ் நிகழ்ச்சியின் நான்காவது சீசன் இன்னும் இரண்டு நாட்களில் தொடங்க உள்ளது என்பது தெரிந்ததே. இதற்கான விளம்பரங்களும் விறுவிறுப்பாக வெளியாகி வருகிறது

இந்த நிலையில் சமீபத்தில் பிக்பாஸ் போட்டியாளர்கள் அறிமுகப்படுத்தும் நிகழ்ச்சியின் முதல்நாள் படப்பிடிப்பு நடந்ததாகவும் இதில் இந்த நிகழ்ச்சியில் கலந்து கொள்ளும் போட்டியாளர்கள் அனைவரும் கலந்து கொண்டதாகவும் கூறப்படுகிறது

ஆனால் அதே நேரத்தில் பிக்பாஸ் நிகழ்ச்சியில் கலந்துகொள்ள இருப்பதாக கூறப்பட்ட ஆர்ஜே அர்ச்சனா மட்டும் முதல் நாள் அறிமுக நிகழ்ச்சியில் கலந்துகொள்ளவில்லை என்று கூறப்படுவதால் பெரும் பரபரப்பு ஏற்பட்டுள்ளது

ஏற்கனவே அவர் பணி செய்து கொண்டிருக்கும் தொலைக்காட்சி நிறுவனம் பிக்பாஸ் நிகழ்ச்சியில் அவர் கலந்து கொள்வதற்கு அனுமதி தரவில்லை என்றும் இதனை அடுத்து அவர் பேச்சுவார்த்தையில் ஈடுபட்டு வருவதாகவும் இந்தப் பிரச்சினை காரணமாகவே அவர், பிக்பாஸ் நிகழ்ச்சியின் முதல் நாள் நிகழ்ச்சியில் கலந்து கொள்ளவில்லை என்றும் கூறப்படுகிறது

இருப்பினும் தான் பணிபுரியும் சேனலிடம் அவர் பேச்சுவார்த்தை நடத்தி வருவதாகவும் விரைவில் பேச்சுவார்த்தையில் உடன்பாடு ஏற்பட்டு அவர் பிக்பாஸ் நிகழ்ச்சியில் கலந்து கொள்வார் என்றும் கூறப்படுகிறது