నితిన్ జ‌త‌గా ఇస్మార్ట్ బ్యూటీ!!
- IndiaGlitz, [Thursday,June 11 2020]
యువ క‌థానాయ‌కుడు నితిన్.. ఏడాదిన్న‌ర గ్యాప్ త‌ర్వాత చేసిన 'భీష్మ'తో బాక్సాఫీస్ ద‌గ్గ‌ర పెద్ద హిట్ కొట్టాడు. ఈ గ్యాప్‌లో నితిన్ మూడు సినిమాల‌ను లైన్‌లో పెట్టాడు. అందులో ఒక‌టి బాలీవుడ్ రీమేక్ సినిమా కూడా ఉంది. బాలీవుడ్‌లో ఆయుష్మాన్ ఖురానా, రాధికా ఆప్టే, ట‌బు న‌టించిన 'అంధాదున్' సినిమా పెద్ద హిట్టైన సంగ‌తి తెలిసిందే. దాని రీమేక్ హ‌క్కుల‌ను నితిన్ ద‌క్కించుకున్నాడు. ఇప్పుడు ఆ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఈ సినిమాకు సంబంధించి సోష‌ల్ మీడియాలో రోజుకొక వార్త చ‌క్క‌ర్లు కొడుతూనే ఉంది. రీసెంట్‌గా బాలీవుడ్‌లో ట‌బు చేసిన పాత్ర‌ను శిల్పాశెట్టితో చేయిస్తార‌ని వార్త‌లు వినించాయి.
తాజాగా హిందీలో రాధికాఅప్టే పాత్ర‌లో ఎవ‌రు న‌టిస్తార‌నే దానిపై కూడా మ‌రో ఆస‌క్త‌కిర‌మైన వార్తొక‌టి హ‌ల్ చ‌ల్ చేస్తుంది. నిజానికి ముందుగా నాని గ్యాంగ్ లీడ‌ర్ ఫేమ్ ప్రియాంక అరుల్ మోహ‌న్ హీరోయిన్‌గా న‌టిస్తుద‌ని అనుకున్నారు. కానీ ఇప్పుడు ఇస్మార్ట్ శంక‌ర్‌, న‌న్ను దోచుకుందువ‌టే చిత్రాల ఫేమ్ న‌భా న‌టేశ్ హీరోయిన్‌గా న‌టిస్తుందంటున్నారు. ఇందులో నిజానిజాలు తెలియాలంటే కొన్ని రోజులు ఆగాల్సిందే.