’சூப்பர்மேன்’ போன்ற படங்கள் எல்லாம் இரண்டாம் பாகம், மூன்றாம் பாகம் வரும் போது இசை ஏன் வரக்கூடாது என்ற எண்ணம் தனக்கு தோன்றியதாக இசைஞானி இளையராஜா ஒரு இனிப்பான அறிவிப்பை அறிவித்துள்ளார்.

இது குறித்து அவர் வெளியிட்டுள்ள வீடியோ ஒன்றில் கூறியபோது, ‘திரைப்படங்களில் இரண்டாம் பாகம், மூன்றாம் பாகம் என்று வெளியாகிக் கொண்டிருக்கிறது. உதாரணத்திற்கு சூப்பர்மேன், சூப்பர்மேன் 2, சூப்பர்மேன் 3 எனவும், அதேபோல் பேட்மேன், பேட்மேன் 2, பேட்மேன் 3 என வெளியாகிறது.அதேபோல் ஏன் இசையில் அடுத்தடுத்த பாகங்கள் வரக்கூடாது என்ற ஒரு கேள்வி எனக்கு ஏற்பட்டது. அதுதான் ’ஹவ் டு நேம் இட் பார்ட் 2’ விரைவில் வரப்போகிறது என்று இசைஞானி தெரிவித்துள்ளார். இந்த அறிவிப்பு இசை பிரியர்களுக்கு மிகுந்த மகிழ்ச்சியை ஏற்படுத்தி உள்ளது.

கடந்த 1986 ஆம் ஆண்டு இசைஞானி இளையராஜா கம்போஸ் செய்த மியூசிக் ஆல்பம் ’ஹவ் டு நேம் இட்’. 10 பாடல்கள் அடங்கிய இந்த மியூசிக் ஆல்பம், இசை மேதை தியாகராஜர் மற்றும் மேற்கிந்திய இசை மேதை ஜே.எஸ்.பேச் ஆகியோர்களுக்கு அர்ப்பணம் செய்யும் வகையில் உருவாக்கப்பட்டது. இந்தியன் - வெஸ்டர்ன் பாணியில் உருவான இந்த இசை ஆல்பம் 48 நிமிடங்கள் கொண்டது என்பதும், இந்த இசை ஆல்பம் உலகம் முழுவதும் மிகப்பெரிய வரவேற்பைப் பெற்றது என்பதும் தெரிந்ததே.

இந்த நிலையில் 36 வருடங்கள் கழித்து ’ஹவ் டு நேம் இட்’ இரண்டாம் பாகம் உருவாக இருப்பதாக இசைஞானி அறிவித்துள்ளது இசை ரசிகர்களுக்கு பெரும் மகிழ்ச்சியை ஏற்படுத்தி உள்ளது.

Releasing soon…. “How to Name It 02” pic.twitter.com/OYqLyvFjRd

— Ilaiyaraaja (@ilaiyaraaja) February 20, 2022