சென்னை ஆர்.கே.நகர் இடைத்தேர்தல் வரும் 21ஆம் தேதி நடைபெறவுள்ளதை அடுத்து முக்கிய அரசியல் கட்சிகள் வேட்பாளர்களை அறிவித்துவிட்டு, பிரச்சாரத்திலும் ஈடுபட்டுள்ளன. 

இந்த நிலையில் கமல் ஆதரவுடன் நடிகர் விஷால் ஆர்.கே.நகர் இடைத்தேர்தலில்  போட்டியிடவுள்ளதாக செய்திகள் வெளிவந்தன.

ஏற்கனவே கமல் ஆதரவுடன் பலம் வாய்ந்த சரத்குமார்-ராதாரவியை நடிகர் சங்க தேர்தலிலும், தயாரிப்பாளர் சங்கத்திலும் வெற்றி பெற்ற விஷால், இந்த தேர்தலிலும் போட்டியிட்டு வெற்றி பெறுவாரா? என்ற கேள்வி எழுந்தது.

இந்த நிலையில் ஆர். கே. நகர் இடைத்தேர்தலில் தான் போட்டிவில்லை என்றும் தான் போட்டியிடுவதாக வெளிவந்து கொண்டிருக்கும் செய்தியில் உண்மையில்லை என்றும் விஷால் சற்றுமுன்னர் செய்தியாளர்களிடம் தெரிவித்தார். இதன்முலம் ஆர்.கே. நகர் இடைத் தேர்தலில் விஷால் போட்டி என்ற திடீர் பரபரப்புக்கு நடிகர் விஷால் முற்றுபுள்ளி வைத்துவிட்டார் என்பது குறிப்பிடத்தக்கது.