விஜய் எப்பொழுது அரசியலில் ஈடுபடுவார் ? எஸ்.ஏ.சி
- IndiaGlitz, [Tuesday,April 10 2018]
தளபதி விஜய் அரசியலுக்கு வரவேண்டும் என்று கடந்த சில ஆண்டுகளாக அவரது ரசிகர்கள் சமூக வலைத்தளங்கள் மூலம் தங்கள் விருப்பத்தை தெரிவித்து கொண்டிருக்கும் நிலையில் ஒரு தந்தையாக விஜய் அரசியலுக்கு வரவேண்டும் என்று தான் விரும்பியதாக இயக்குனர் எஸ்.ஏ.சந்திரசேகர் கூறியுள்ளார்.
இயக்குனர் எஸ்.ஏ.சி நமக்கு அளித்த பிரத்யேக பேட்டியில், 'ஒரு காலகட்டத்தில் விஜய் அரசியலுக்கு வந்தால் நல்லது என்று ஒரு தந்தையாக விரும்பினேன். ஆனால் தற்போது அவரை விட சீனியர் நடிகர்கள் எல்லாம் அரசியலுக்கு வந்துவிட்டார்கள். இந்த நேரத்தில் விஜய்யும் அரசியலுக்கு வந்தால் அது மக்களின் பார்வையில் கேலிக்கூத்தாகிவிடும் என்பதால் இன்றைய சூழ்நிலையில் விஜய் அரசியலுக்கு வருவது சரியல்ல என்பது எனது அபிப்பிராயம்
ஆனால் அதே நேரத்தில் விஜய் தற்போது சொந்தமாக முடிவெடுக்கும் பக்குவத்தை அடைந்துவிட்டார். எது நல்லது, எது கெட்டது, எதை செய்யக்கூடாது எதை செய்யலாம் என்று அவருக்கு தெரியும். எனவே அரசியல் குறித்து அவர் என்ன முடிவெடுப்பார் என்று எனக்கு தெரியாது' என்று கூறினார்.