தொழிலதிபரின் பேரனை காதலிக்கும் பிரபல நடிகரின் மகள்?
- IndiaGlitz, [Saturday,September 22 2018]
பிரபல தெலுங்கு நடிகர் வெங்கடேஷ் மகள் அஷ்ரிதா கடந்த சில ஆண்டுகளாக ஒருவரை காதலித்து வருவதாகவும், இருவரும் விரைவில் திருமணம் செய்து கொள்ளவிருப்பதாகவும் தெலுங்கு ஊடகங்களில் கடந்த சில நாட்களாக செய்திகள் வெளிவந்து கொண்டிருக்கின்றது.
இந்த செய்தியை உறுதி செய்யும் வகையில் பிரபல தொழிலதிபரும், ஐதராபாத் ரேஸ் கிளப் சேர்மனுமாகிய சுரேந்தர் ரெட்டியின் பேரனை அஷ்ரிதா காதலித்து வருவதாக கூறப்படுகிறது. கடந்த சில ஆண்டுகளாக நட்புடன் பழகி வந்த இருவரும் தற்போது காதலித்து வருவதாக தெரிகிறது.
இந்த காதல் குறித்து அஷ்ரிதா தனது தந்தையிடம் கூறிவிட்டதாகவும், மகளின் விருப்பத்தை ஏற்றுக்கொண்ட வெங்கடேஷ் விரைவில் திருமண பேச்சை மாப்பிள்ளை வீட்டாரிடம் பேசவுள்ளதாகவும் செய்திகள் வெளிவந்து கொண்டிருக்கின்றது.