'వీడెవ‌డు' క‌థ ఇదేనా?
- IndiaGlitz, [Sunday,September 10 2017]
స‌చిన్ జోషి హీరోగా న‌టించిన సినిమా 'వీడెవ‌డు'. ఈ నెల 15న విడుద‌ల కానుంది. తెలుగులో త‌న‌ను తాను ప్రూవ్ చేసుకోవాల‌ని స‌చిన్ ఎప్ప‌టినుంచో ప్ర‌య‌త్నాలు చేస్తూనే ఉన్నారు.
అందులో భాగంగా ఆయ‌న న‌టించిన తాజా సినిమా 'వీడెవ‌డు'. తాతినేని స‌త్య ద‌ర్శ‌క‌త్వం వ‌హించారు. క‌బ‌డ్డీ నేప‌థ్యంలో సాగే క‌థ ఇది. ఇందులో స‌చిన్ క‌బ‌డ్డీ ప్లేయ‌ర్‌గా క‌నిపిస్తారు. ఆయ‌న భార్య‌గా బాలీవుడ్ న‌టి ఈషా గుప్తా న‌టించారు.
ఈ సినిమాను రైనా జోషి నిర్మించారు. పెళ్ల‌యిన మ‌రుస‌టి రోజే క‌బ‌డ్డీ ప్లేయ‌ర్ భార్య చ‌నిపోతుంది. ఆమెది హ‌త్యా? ఆత్మ‌హ‌త్యా? హ‌త్య అయితే ఎవ‌రు చేశారు? ఆత్మ‌హ‌త్య అయితే ఆమె అలాంటి అఘాయిత్యానికి పాల్ప‌డ‌టానికి కార‌ణం ఏంటి? వ‌ంటి అంశాల‌తో తెర‌కెక్కిన సినిమా. ఈ చిత్రంతో త‌ప్ప‌కుండా హిట్ కొడ‌తాన‌నే న‌మ్మ‌కాన్ని వ్య‌క్తం చేస్తున్నారు స‌చిన్ జోషి.