స్టైలిష్ స్టార్ అల్లు అర్జున్, త్రివిక్ర‌మ్ కాంబినేష‌న్‌లో రూపొందుతోన్న చిత్రం `అల‌... వైకుంఠ‌పురములో..`. ప్ర‌స్తుతం సినిమా చిత్రీక‌ర‌ణ ద‌శ‌లో ఉంది. ఈ సినిమాకు లీక్ అంటూ సోష‌ల్ మీడియాలో క‌థ‌నాలు విన‌ప‌డుతున్నాయి.

కోటీశ్వ‌రుడైన జ‌యరాం.. అత‌ని డ్రైవ‌ర్ ముర‌ళీశ‌ర్మ స్నేహితుల్లాగా ఉంటారు. వీరిద్ద‌రికీ కొడుకులు ఒకేసారి పుడ‌తారు. కోటీశ్వ‌రుడికి పుట్టిన‌వాడు కోటీశ్వ‌రుడే అవుతాడంటూ ముర‌ళీశ‌ర్మ అంటాడు. అయితే అందులో నిజం లేద‌ని వ్య‌క్తిని ఆలోచ‌న‌ను బ‌ట్టే ఎదుగుద‌ల ఉంటుంద‌ని కోటీశ్వ‌రుడైన జ‌యరాం అంటాడు. మాటా మాట పెర‌డంతో ఇద్ద‌రు పుట్టిన బిడ్డ‌ల‌ను మార్చుకుంటారు. దాంతో కోటీశ్వ‌రుడైన బ‌న్నీ కారు డ్రైవ‌ర్ అయిన ముర‌ళీశ‌ర్మ ఇంట్లో పెరుగుతాడు. కారు డ్రైవ‌ర్ కొడుకైన సుశాంత్ కోటీశ్వ‌రుడి ఇంట్లో పెరుగుతాడు. అయితే క‌థ న‌డిచే క్ర‌మంలో బ‌న్నీ, సుశాంత్‌ల‌కు నిజం తెలుస్తుంది. కానీ సుశాంత్ కారు డ్రైవ‌ర్‌గా రావ‌డానికి ఒప్పుకోడు. అప్పుడు బ‌న్నీ ఏం చేస్తాడనేదే క‌థ అంటూ వార్త‌లు విన‌ప‌డుతున్నాయి. ఈ క‌థంతా అల‌..వైకుంఠ‌పురము అనే ఇంట్లో జ‌రుగ‌తుంది కాబ‌ట్టి సినిమాకు ఆ టైటిల్‌నే పెట్టారు.

పూజా హెగ్డే హీరోయిన్‌గా న‌టిస్తోన్న ఈ చిత్రంలో బ‌న్నీ అమ్మ పాత్ర‌లో ట‌బు న‌టించింది. ఇప్ప‌టికే విడుద‌లై ఫ‌స్ట్ పోస్ట‌ర్, టైటిల్ టీజ‌ర్ స‌హా అన్నింటికీ చాలా రెస్పాన్స్ వ‌చ్చాయి. వ‌చ్చే ఏడాదినే ఈ సినిమాను బారీ లెవ‌ల్లో విడుద‌ల చేయ‌డానికి గీతాఆర్ట్స్‌, హారిక అండ్ హాసిని క్రియేష‌న్స్ బ్యాన‌ర్స్ అధినేత‌లు అల్లు అర‌వింద్, ఎస్‌.రాధాకృష్ణ‌లు ఆలోచిస్తున్నారు.

ప్ర‌స్తుతం త‌మ‌న్ ఈ సినిమాకు ట్యూన్స్ కంపోజ్ చేస్తున్నాడు. న‌వంబ‌ర్ నెల‌లోనే ఈ సినిమా తొలి లిరికల్ సాంగ్‌ను విడుద‌ల చేస్తార‌ట‌. జులాయి, స‌న్నాఫ్ స‌త్య‌మూర్తి చిత్రాల త‌ర్వాత బ‌న్నీ, త్రివిక్ర‌మ్ కాంబినేష‌న్‌లో రూపొందుతోన్న‌హ్యాట్రిక్ చిత్ర‌మిది.