మ‌హేశ్ 27 స్టోరీ లైన్ ఇదేనా?
- IndiaGlitz, [Tuesday,February 04 2020]
సూప‌ర్‌స్టార్ మ‌హేశ్ 'స‌రిలేరు నీకెవ్వ‌రు' చిత్రంతో ఈ సంక్రాంతికి సంద‌డి చేశారు. ఈ చిత్రం మ‌హేశ్‌కి 26వ సినిమా. కాగా త‌న త‌దుప‌రి సినిమాను స్టార్ట్ చేయ‌డానికి ముందు మ‌హేశ్ గ్యాప్ తీసుకున్నాడు. కుటుంబంతో క‌లిసి అమెరికా వెళ్లిపోయారు. మోకాలి ఆప‌రేష‌న్ కోస‌మే మ‌హేశ్ అమెరికా వెళ్లార‌నే వార్త‌లు బ‌లంగా విన‌ప‌డుతున్నాయి. ఈ వార్త‌ల‌ను ప‌క్క‌న పెడితే మ‌హేశ్ 27వ చిత్రాన్ని వంశీ పైడిప‌ల్లి తెర‌కెక్కించ‌బోతుండగా దిల్‌రాజు నిర్మిస్తున్నాడు. ఈసినిమా మే లేదా జూన్‌లో లాంఛ‌నంగా ప్రారంభ‌మ‌య్యే అవ‌కాశాలున్నాయని టాక్‌.
మ‌హేశ్‌ను వంశీ పైడిప‌ల్లి గ్యాంగ్‌స్ట‌ర్ పాత్ర‌లో చూపిస్తాడ‌ని సోష‌ల్ మీడియాలో వార్త‌లు కూడా వ‌చ్చిన నేప‌థ్యంలో మ‌రో ఆస‌క్తిక‌ర‌మైన విష‌యం కూడా బ‌య‌ట‌కు వ‌చ్చింది. ఇండ‌స్ట్రీలో విన‌ప‌డుతున్న వివ‌రాల మేర‌కు ఈ సినిమాలో ప‌ర్యావ‌ర‌ణం అనేదే ప్ర‌ధానాంశంగా ఉండ‌బోతుంద‌ట. ప్ర‌స్తుతం స్క్రిప్ట్ వ‌ర్క్‌తో పాటు ప్రీ ప్రొడ‌క్ష‌న్ ప‌నులు జ‌రుగుతున్నాయి. మ‌హ‌ర్షిలో మ‌హేశ్‌తో ఓ సోష‌ల్ మెసేజ్‌ను ఇచ్చిన వంశీ పైడిప‌ల్లి ఈసారి పర్యావ‌ర‌ణంపైనే మ‌రో త‌ర‌హాలో మెసేజ్ ఇవ్వ‌బోతున్నాడ‌ట. ఈ సినిమాలో కియారా అద్వానీని హీరోయిన్‌గా తీసుకోవ‌డానికి ప్ర‌య‌త్నాలు జ‌రుగుతున్నాయి.