கோலிவுட் திரையுலகில் ரஜினி, கமல், விஜய், விஷால் உள்பட பல நடிகர்கள் அரசியல் கட்சி தொடங்கி அரசியல் களத்தில் குதிப்பார்கள் என்று எதிர்பார்க்கப்படுகிறது.

இந்த நிலையில் கடந்த சில மாதங்களாக ஊடகங்களிலும், செய்தி சேனல்களிலும் ஆவேசமாக அரசியல் கருத்துக்களை கூறி வருபவர் நகைச்சுவை நடிகர் மயில்சாமி. குறிப்பாக ஆளும் கட்சியை அவர் கடுமையாக தாக்கி விமர்சனம் செய்து வருகிறார்

இந்த நிலையில் இணையதளங்களில் இன்று மயில்சாமியில் அரசியல் ஸ்டில் ஒன்று வெளியாகியுள்ளது. அதில் தே.ப.பா.க என்ற அரசியல் கட்சியை அதாவது தேசிய பணக்காரர்கள் பாதுகாப்பு கழகம் என்ற கட்சியை ஆரம்பித்துள்ளதாக  குறிப்பிடப்பட்டுள்ளது. உண்மையில் மயில்சாமி  கட்சி ஆரம்பித்தாரா? அல்லது அவர் நடிக்கும் திரைப்படம் ஒன்றின் ஸ்டில்லா? என்பது குறித்த தகவல் விரைவில் வெளிவரும் என்று எதிர்பார்க்கப்படுகிறது.