தளபதி விஜய் நடித்து வரும் 'தளபதி 62' படத்தின் டைட்டில் இன்று மாலை 6 மணிக்கு சன் டிவியில் வெளியாகவுள்ள நிலையில் விஜய் ரசிகர்கள் சிலர் ஆர்வக்கோளாறில் 'வேற லெவல்' என்பதுதான் இந்த படத்தின் டைட்டில் என்று போட்டோஷாப் மூலம் படத்தின் டைட்டில் போஸ்டரை அடித்து இணையதளத்தில் வைரலாக்கி வருகின்றனர்.

இதற்கு பதிலடி கொடுத்துள்ள இன்னொரு விஜய் ரசிகர் ஒரு போஸ்டரை தயார் செய்துள்ளார். அதில் 'இது டைட்டில் இல்லடா' என்று குறிப்பிட்டுள்ளார். அதேபோல் இயக்குனர் சி.எஸ்.அமுதல் #ஒரே லெவல் என்ற ஹேஷ்டேக்கை பதிவு செய்து இந்த டூப்ளிகேட் டைட்டிலை தனது பாணியில் கலாய்த்துள்ளார்.

ஆனால் தற்போது வெளிவந்திருக்கும் இந்த டைட்டில் உண்மையான டைட்டில் இல்லை என்றும், நிஜமான டைட்டிலை தெரிந்து கொள்ள விஜய் ரசிகர்கள் உள்பட அனைவரும் இன்று மாலை 6 மணி வரை காத்திருக்க வேண்டும் என்பது குறிப்பிடத்தக்கது.

விஜய், கீர்த்தி சுரேஷ், வரலட்சுமி, யோகிபாபு உள்பட பலர் நடித்து வரும் இந்த படத்திற்கு இசைப்புயல் ஏ.ஆர்.ரஹ்மான் இசையமைக்கின்றார். ஏ.ஆர்.முருகதாஸ் இயக்கி வரும் இந்த படத்தை சன் பிக்சர்ஸ் நிறுவனம் பிரமாண்டமாக தயாரித்து வருகிறது. இந்த படம் இந்த ஆண்டு தீபாவளிக்கு வெளிவரும் என்று எதிர்பார்க்கப்படுகிறது