మెగాప‌వ‌ర్ స్టార్ రాంచ‌ర‌ణ్‌, ర‌కుల్ ప్రీత్ సింగ్ న‌టిస్తున్న చిత్రం `ధృవ‌`. `మై ఎనిమి ఈజ్ మై స్ట్రెంగ్త్` అనే ట్యాగ్ లైన్‌తో సినిమా రూపొందుతోంది. గీతాఆర్ట్స్ బ్యాన‌ర్‌పై అల్లు అర‌వింద్‌, ఎన్‌.వి.ప్ర‌సాద్ నిర్మాత‌లుగా సురేంద‌ర్ రెడ్డి ద‌ర్శ‌క‌త్వంలో రానున్న ఈ సినిమా ఫ‌స్ట్ లుక్ ఆగ‌స్ట్ 15న విడుద‌లైంది. అయితే ఈ టైటిల్‌లో 8 అనే నెంబ‌ర్ ఉండ‌టం చ‌ర్చ‌కు తావిచ్చింది.

ఇంత‌కు 8 నెంబ‌ర్ ఎందుకు క‌న‌ప‌డుతుంద‌నే దానిపై చాలా వార్త‌లు విన‌ప‌డుతున్నాయి. అయితే ఈ సినిమా ద‌ర్శ‌కుడు సురేంద‌ర్ రెడ్డికి 8వ చిత్రం కాబ‌ట్టే ఈ సినిమా టైటిల్ లో 8 క‌న‌ప‌డుతుందని కొంద‌రు అంటే, క‌థ‌కు సంబంధించిన మ‌రేదో బ‌ల‌మైన కార‌ణంతోనే ఈ నెంబ‌ర్‌ను పెట్టార‌ని మ‌రికొంద‌రు అంటున్నారు. మ‌రి దీనిపై చిత్ర‌యూనిట్ ఏమ‌ని స‌మాధాన‌మిస్తుందో చూడాలి.