ఆ విష‌యంలో ర‌ష్మిక కంటే త‌మ‌న్నానే బెట‌రా!
- IndiaGlitz, [Friday,December 27 2019]
ప్ర‌తి టైమ్‌లో స్టార్ హీరోయిన్స్ మ‌ధ్య కోల్డ్ వార్ సినిమాల రూపంలో జ‌రుగుతూనే ఉంటుంది. తాజాగా ఇప్పుడున్న స్టార్ హీరోయిన్స్ స‌మంత, కీర్తిసురేష్‌, త‌మ‌న్నా, ర‌కుల్ ప్రీత్ సింగ్‌ల‌కు ర‌ష్మిక మంద‌న్న గ‌ట్టి పోటీనిస్తుంద‌నడంలో సందేహం లేదు. ప్ర‌స్తుతం ఈమె మ‌హేష్‌తో స‌రిలేరు నీకెవ్వ‌రులో న‌టించింది. ఈ సినిమా ముగియ‌గానే బ‌న్నీ, సుకుమార్ కాంబినేష‌న్‌లో రూపొంద‌బోయే చిత్రంలో న‌టించ‌నుంది.
'స‌రిలేరు నీకెవ్వ‌రు' విష‌యానికి వ‌స్తే.. ఈ చిత్రంలో ర‌ష్మిక హీరోయిన్ అయితే మిల్కీ బ్యూటీ త‌మ‌న్నా ఓ స్పెష‌ల్ సాంగ్‌లో న‌టించిన సంగతి తెలిసిందే. అయితే లేటెస్ట్ సినీ వ‌ర్గాల స‌మాచారం మేర‌కు ఈ సినిమాలో ర‌ష్మిక కంటే త‌మ‌న్నాదే పైచేయి అని అంటున్నారు. అదేంటి? ర‌ష్మిక హీరోయిన్ క‌దా! ఆమె కంటే త‌మ‌న్నా ఎలా పై చేయి సాధించింద‌నే డౌట్ రాక‌పోదు. అస‌లు విష‌యమేమంటే.. ఈ సినిమాకు ర‌ష్మిక అందుకున్న పారితోష‌కం 80 ల‌క్ష‌ల రూపాయ‌లైతే.. త‌మ‌న్నా.. కేవ‌లం ఓ సాంగ్ చేసినందుకు 40 ల‌క్ష‌ల రూపాయ‌ల రెమ్యున‌రేష‌న్‌ను అందుకుంద‌ట. ఓ సాంగ్ అంటే మూడు నుండి నాలుగు రోజుల ప‌నే ఉంటుంది. ఆ లెక్క‌న చూస్తే ర‌ష్మిక కంటే త‌మ‌న్నాదే పైచేయి క‌దా!.
మ‌హేష్‌, ర‌ష్మిక జంట‌గా న‌టిస్తోన్న ఈ చిత్రంలో లేడీ అమితాబ్ విజ‌య‌శాంతి కీల‌క పాత్ర‌లో న‌టిస్తున్నారు. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుగుతున్నాయి. సంక్రాంతి సంద‌ర్భంగా సినిమాను జ‌న‌వ‌రి 11న విడుద‌ల చేస్తున్నారు.