எஸ்.வி.சேகர் தலைமைறைவா? பரபரப்பு தகவல்
- IndiaGlitz, [Sunday,April 22 2018]
பெண் பத்திரிகையாளர்களை தனது முகநூலில் தரம் தாழ்ந்த ஒரு கருத்தை தெரிவித்த நடிகரும் பாஜக பிரமுகருமான எஸ்.வி.சேகருக்கு கடந்த இரண்டு நாட்களாக பத்திரிகையாளர்கள் உள்பட அனைத்து துறையினர்களும் கடும் கண்டனங்களை தெரிவித்து வந்தனர்.
மேலும் அவர் மீது சட்டப்படி நடவடிக்கை எடுக்க வேண்டும் என தமிழ்நாடு பத்திரிகையாளர் பாதுகாப்பு நலச்சங்கம் நேற்று புகார் மனு ஒன்றை கொடுத்தது. இந்த புகாரின் அடிப்படையில் எஸ்.வி.சேகர் மீது 4 பிரிவுகளில் போலீசார் வழக்குப்பதிவு செய்தனர். எனவே எந்த நேரத்திலும் எஸ்.வி.சேகர் கைது செய்யப்படுவார் என்று கூறப்பட்டது.
இந்த நிலையில் எஸ்.வி.சேகர் தலைமறைவாகிவிட்டதாகவும் அவருக்கு முன் ஜாமீன் எடுக்க முயற்சிகள் நடந்து கொண்டிருப்பதாகவும் தகவல்கள் வெளிவந்து கொண்டிருக்கின்றது.