చిరుతో క‌లిసి న‌టించ‌నున్న స్టైలిష్ స్టార్..?
- IndiaGlitz, [Friday,April 17 2020]
మెగాస్టార్ చిరంజీవి ప్ర‌స్తుతం కొర‌టాల శివ దర్శకత్వంలో త‌న 152వ చిత్రం ‘ఆచార్య’ను పూర్తి చేస్తున్న సంగ‌తి తెలిసిందే. దీని తర్వాత చిరంజీవి ఎక్కువ గ్యాప్ తీసుకోవాల‌నుకోవ‌డం లేద‌ట. వెంట‌నే త‌న 153వ సినిమా మ‌ల‌యాళ చిత్రం ‘లూసిఫర్’ను స్టార్ట్ చేయాల‌నుకుంటున్నార‌ట. మ‌ల‌యాళంలో మోహ‌న్‌లాల్ పాత్ర‌ను చిరంజీవి చేస్తుండ‌గా, సినిమాను డైరెక్ట్ చేసిన హీరో పృథ్వీరాజ్ అందులో ఓ కీలక పాత్ర‌లో,హీరో అనుచ‌రుడిగా న‌టించాడు. మ‌రి తెలుగులో ఆ పాత్ర‌ను ఎవ‌రు చేస్తారు? అనే దానిపై పెద్ద చ‌ర్చ జ‌రిగింది. ముఖ్యంగా రామ్‌చ‌ర‌ణే చేస్తాడ‌నే వార్త‌లు ఎక్కువ‌గా విన‌ప‌డ్డాయి కూడా. అయితే తాజా స‌మాచారం మేర‌కు లూసిఫర్ తెలుగు రీమేక్‌లో చిరంజీవి అనుచ‌రుడి పాత్ర‌లో బ‌న్నీ న‌టిస్తాడ‌ని టాక్ వ‌స్తుంది.
గ‌తంలో చిరంజీవి డాడీ చిత్రంలో బ‌న్నీ ఓ చిన్న పాత్ర చేశాడు. అప్ప‌టికి త‌నింకా హీరో కాలేదు. తర్వాత శంక‌ర్ దాదా జిందాబాద్‌లోనూ ఓ పాట‌లో చిరుతో క‌లిసి స్టెప్పేశాడు. ఇప్పుడు ఇంకా ప‌వ‌ర్‌ఫుల్ పాత్ర‌లో నటించ‌బోతున్నాడ‌ని స‌మాచారం. మ‌రి సోష‌ల్ మీడియాలో వినిపిస్తున్న వార్త‌ల‌పై మెగా క్యాంప్ ఎలా స్పందిస్తుందో చూడాలి. సాహో పేమ్ సుజిత్ ఈ చిత్రాన్ని తెర‌కెక్కించే అవ‌కాశాలున్నాయి. కరోనా ప్ర‌భావం ముగిసిన తర్వాత ఈ సినిమాకు సంబంధించి మ‌రింత స‌మాచారం తెలిసే అవ‌కాశం ఉంది.