ఆవిడే బన్ని హీరోయిన్..?
- IndiaGlitz, [Wednesday,June 29 2016]
స్టైలిష్ స్టార్ అల్లుఅర్జున్ ప్రస్తుతం గబ్బర్ సింగ్, పిల్లానువ్వులేని జీవితం వంటి హిట్ చిత్రాల దర్శకుడు హరీష్ శంకర్ దర్శకత్వంలో సినిమా చేయడానికి రెడీ అవుతున్నాడు. అందుకు సంబంధించిన అదికారక సమాచారం కూడా వెలువడింది. ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్ పై ఈ చిత్రాన్ని నిర్మిస్తుండగా రాక్ స్టార్ దేవిశ్రీ ప్రసాద్ సంగీతం అందిస్తున్నాడు. తాజా సమాచారం ప్రకారం ఈ చిత్రంలో పూజా హెగ్డే హీరోయిన్ గా నటించనుంది.
గతంలో ఒక లైలా కోసం, ముకుంద వంటి తెలుగు చిత్రాల్లో నటించిన ఈ అమ్మ‌డు త‌ర్వాత హృతిక్ రోష‌న్ స‌ర‌స‌న మొహంజ‌దారో చిత్రంలో న‌టించింది. ఇప్పుడు మ‌ళ్లీ బన్ని సినిమాతో తెలుగులోకి అడుగు పెడుతుంది. ఆర్య, పరుగు చిత్రాల అనంతరం స్టయిలిష్ స్టార్ అల్లు అర్జున్ దిల్ రాజు కాంబినేష‌న్ లో అంటే 7 సంవత్సరాల త‌ర్వాత రానున్న చిత్రం ఇది. ఈ చిత్రాన్ని వ‌చ్చే ఏడాది వేస‌విలో విడుద‌ల చేయడానికి ప్లాన్ చేస్తున్నారు.