விஜய் நடித்து முடித்துள்ள 65வது திரைப்படமான ’பீஸ்ட்’ படத்தின் படப்பிடிப்பு முடிவடைந்து விரைவில் போஸ்ட் புரடொக்ஷன் பணிகள் தொடங்க உள்ளன. இந்த நிலையில் தளபதி விஜய்யின் 66வது திரைப்படத்தின் படப்பிடிப்பு இன்னும் ஓரிரு மாதங்களில் தொடங்க உள்ள நிலையில் இந்த படத்தின் பாடல் கம்போஸ் சமீபத்தில் நடந்ததாகவும், தமன் கம்போஸ் செய்த பாடலை பிரபல பாடகர்களான செந்தில்-ராஜலட்சுமி பாடியதாகவும் தகவல்கள் வெளியாகின

இந்த நிலையில் இதுகுறித்து செந்தில் ஊடகம் ஒன்றுக்கு பேட்டி அளித்த போது, ‘நானும் எனது மனைவி ராஜலட்சுமியும் ’தளபதி 66’ படத்திற்காக பாடல் ஒன்று பாடியதாக வெளியான செய்தியை கேட்டு நான் அதிர்ச்சி அடைந்தேன். முற்றிலும் இது வதந்தி, இதுவரை எங்களுக்கு இந்த படத்தில் பாடலை பாட அழைப்பு வரவில்லை என்று கூறியுள்ளார்

இதனை அடுத்து ’தளபதி 66’ படத்தின் பாடல் கம்போஸிங் செய்யப்பட்டது என்பதும் அதில் செந்தில்-ராஜலட்சுமி பாடியுள்ளனர் என்பதும் வதந்தி என்பது தெரிய வந்துள்ளது. யூடியூப் சேனலில் செய்திகளை முந்தி தருகிறோம் என்று கூறிக்கொண்டிருக்கும் சிலர் வேண்டுமென்றே இதுபோன்ற வத்ந்தியை கிளப்பியுள்ளனர் என்பது செந்திலின் பேட்டியில் இருந்து தெரிய வருகிறது.