விஜய் சேதுபதி படத்திலிருந்து விலகினாரா சமந்தா? பரபரப்பு தகவல்
- IndiaGlitz, [Friday,March 06 2020]
விஜய்சேதுபதி, நயன்தாரா மற்றும் சமந்தா நடிப்பில் விக்னேஷ் சிவன் இயக்கள்ள ’காத்து வாக்கில ரெண்டு காதல்’ என்ற படத்தின் அதிகாரப்பூர்வ அறிவிப்பு சமீபத்தில் வெளிவந்தது என்பதும் அனிருத் இசையமைக்கும் இந்த படப்பிடிப்பு விரைவில் தொடங்க உள்ளது என்பதும் தெரிந்ததே.
இந்த நிலையில் இந்த படத்தில் நடிக்க இருந்த நடிகை சமந்தா திடீரென இந்த படத்தில் விலகிவிட்டதாக கூறப்படுகிறது. சமந்தா தற்போது கர்ப்பமாகியுள்ளதாகவும், இதனை அடுத்து அவர் ’காத்துல வாக்கில ரெண்டு காதல்’ உள்பட எந்த படத்திலும் அடுத்த இரண்டு வருடங்களுக்கு நடிக்க மாட்டார் என்றும் கூறப்படுகிறது.
இருப்பினும் சமந்தா கர்ப்பமான தகவலை அவரோ அல்லது அவரது கணவர் நாக சைதன்யாவோ இன்னும் உறுதி செய்யவில்லை என்பது குறிப்பிடத்தக்கது. இந்த செய்தி கசிந்ததில் இருந்து சமந்தாவின் ரசிகர்கள் கடும் வருத்தத்தில் இருக்கின்றனர் என்பது குறிப்பிடதக்கது.