இயக்குனர் விக்னேஷ் சிவன் மற்றும் நடிகை நயன்தாரா திருமணம் இன்று மகாபலிபுரத்தில் உள்ள ஐந்து நட்சத்திர ஹோட்டலில் நடைபெற்றுக் கொண்டிருக்கிறது என்பதும் இந்த நிகழ்ச்சியில் பல திரையுலக பிரமுகர்கள் கலந்து கொண்டு இருக்கிறார்கள் என்றும் தகவல்கள் வெளியாகியுள்ளன.

இந்த நிலையில் விக்னேஷ் சிவன் இயக்கத்தில் விஜய் சேதுபதி, நயன்தாரா நடித்த ’காத்துவாக்குல ரெண்டு காதல்’ என்ற திரைப்படத்தில் சமந்தாவும் ஒரு முக்கிய கேரக்டரில் நடித்திருந்தார். அதுமட்டுமின்றி இந்த படத்தின் படப்பிடிப்பின் இடையே நயன்தாராவுக்கும் சமந்தாவுக்கும் நெருக்கமான நட்பு ஏற்பட்டு விட்டது என்பதும் சமூக வலைதளங்களில் இருவரும் பல விஷயங்களை பகிர்ந்து கொண்டார்கள் என்பதை பார்த்தோம்.

இந்த நிலையில் நெருங்கிய தோழியான நயன்தாராவின் திருமணத்தில் கலந்துகொள்ள முடியாத சூழ்நிலை சமந்தாவுக்கு ஏற்பட்டு உள்ளதாக தகவல் வெளியாகி உள்ளது. தற்போது நடிகை சமந்தா காஷ்மீரில் நடைபெற்றுக் கொண்டிருக்கும் விஜய் தேவர்கொண்டாவின் ’குஷி’ படத்தின் படப்பிடிப்பில் பிஸியாக இருப்பதால் அவரால் நயன்தாரா திருமணத்தில் கலந்து கொள்ளவில்லை என்றும், ஆனால் அதே நேரத்தில் செல்போன் மூலம் அவர் நயன்தாராவுக்கும் விக்னேஷ் சிவனுக்கும் தனது வாழ்த்துக்களை தெரிவித்ததாகவும் தகவல்கள் வெளியாகியுள்ளன.