`RRR` వాయిదా ప‌డ‌నుందా?
- IndiaGlitz, [Monday,September 23 2019]
టాలీవుడ్ ప్రెస్టీజియ‌స్ ప్రాజెక్ట్స్‌లో ఒక‌టి 'RRR'. ద‌ర్శ‌క ధీరుడు ఎస్‌.ఎస్‌.రాజ‌మౌళి తెరకెక్కిస్తోన్న ఈ చిత్రంలో యంగ్ టైగ‌ర్ ఎన్టీఆర్, మెగాప‌వ‌ర్‌స్టార్ రామ్‌చ‌ర‌ణ్ క‌థానాయ‌కులుగా న‌టిస్తున్నారు. ప్ర‌స్తుతం ఈ సినిమా చిత్రీక‌ర‌ణ ద‌శ‌లో ఉంది. అయితే సినిమా అనుకున్నప్లానింగ్ ప్ర‌కారం జ‌ర‌గ‌డం లేదు. ఆల‌స్యంగా షూటింగ్ జ‌రుగుతుంది. ఈ ఆల‌స్యం కార‌ణంగా సినిమా విడుద‌ల వాయిదా ప‌డే అవ‌కాశం ఉంద‌ని వార్త‌లు సినీ వ‌ర్గాల్లో బ‌లంగా విన‌ప‌డుతున్నాయి.
గాయాలే కార‌ణం...
'RRR' సినిమా షెడ్యూల్ ప్లానింగ్‌లో ఆల‌స్యం కావ‌డానికి ప్ర‌త్యేక కార‌ణాలేవీ లేవు. హీరోల‌కు త‌గిలిన గాయాలే కార‌ణాలుగా చెబుతున్నారు. షూటింగ్ మ‌ధ్య‌లో చ‌ర‌ణ్ కాలికి గాయమైంది. అలాగే ఎన్టీఆర్ చేతికి కూడా గాయమైంది. ఈ కార‌ణంగా సినిమా దాదాపు నెల‌న్న‌ర పాటు ఆల‌స్యమైంది. ఈ ఆల‌స్యాన్ని ఎంత క‌వ‌ర్ చేయాల‌ని ప్ర‌య‌త్నిస్తున్నా కుద‌ర‌డం లేద‌ట. దీంతో ట్రేడ్ వ‌ర్గాల్లో సినిమా ఆల‌స్య‌మ‌య్యేలానే ఉంద‌ని టాక్‌.
బాలీవుడ్ హీరో అజయ్ దేవ‌గ‌ణ్, కోలీవుడు న‌టుడు, ద‌ర్శ‌కుడు స‌ముద్ర‌ఖ‌ని కీల‌క పాత్ర‌ల్లో న‌టిస్తుండ‌గా.. రామ‌రాజు జోడి సీత పాత్ర‌లో బాలీవుడ్ బ్యూటీ ఆలియా భ‌ట్ న‌టిస్తుంది. ఎన్టీఆర్ స‌ర‌స‌న హీరోయిన్‌గా ఎమ్మారాబ‌ర్ట్స్ న‌టిస్తుంద‌ని స‌మాచారం. ఇద్ద‌రు విప్ల‌వ నాయ‌కుల‌కు సంబంధించిన క‌ల్పిత‌గాథే ఈ చిత్రం. 'బాహుబ‌లి' త‌ర్వాత రాజ‌మౌళి డైరెక్ట్ చేస్తోన్న చిత్రం కావ‌డంతో అంద‌రిలో భారీ అంచ‌నాలు నెల‌కొన్నాయి.