புகழ்ச்சியா? வஞ்சப்புகழ்ச்சியா? ரஜினி குறித்து பிரபல இயக்குனரின் டுவீட்
- IndiaGlitz, [Wednesday,January 03 2018]
சூப்பர் ஸ்டார் ரஜினிகாந்த் அரசியல் வருகை குறித்து தமிழக, இந்திய ஊடகங்கள் மட்டுமின்றி வெளிநாட்டு ஊடகங்களும் தலைப்பு செய்தியில் வெளியிட்டு வரும் நிலையில் ரஜினியின் அரசியல் நிலை குறித்து பலரும் பல்வேறு கருத்துக்களை தெரிவித்து வருகின்றனர்,.
இந்த நிலையில் ரஜினியை கடுமையாக அவ்வப்போது விமர்சனம் செய்த பிரபல இயக்குனர் ராம்கோபால் வர்மா, ரஜினியின் கருத்து குறித்து ஒரு டுவீட்டை பதிவு செய்துள்ளார். ஒருசிலரால் தமிழகத்திற்கு தலைக்குனிவு ஏற்பட்டுள்ளதாகவும், அதை சரிசெய்ய வேண்டிய கட்டாயத்தில் நாம் இருப்பதாகவும், ரஜினிகாந்த் தனது அரசியல் வருகை குறித்த உரையில் தெரிவித்திருந்தார்.
இந்த கருத்தை பாராட்டியுள்ள இயக்குனர் ராம்கோபால் வர்மா, 'ரஜினி கூறிய மிகப்பெருமையுடை கருத்து இது' என்று தெரிவித்துள்ளார். ஆனால் அதே நேரத்தில் ரஜினியை அவர் உண்மையில் புகழ்கிறாரா? அல்லது வஞ்சப்புகழ்ச்சியா? என்ற சந்தேகத்தை பலர் எழுப்பி வருகின்றனர். உண்மை என்ன என்பது ராம்கோபால் வர்மாவின் மனதிற்கு மட்டுமே தெரிந்த விஷயம் என்பது குறிப்பிடத்தக்கது.