మెగాప‌వ‌ర్‌స్టార్ రామ్‌చ‌ర‌ణ్ ప్ర‌స్తుతం ‘ఆర్ఆర్ఆర్‌’ సినిమా చిత్రీక‌ర‌ణ‌లో బిజీగా ఉన్నాడు. ఈ సినిమా పూర్త‌యిన త‌ర్వాత చ‌ర‌ణ్ ఏ ద‌ర్శ‌కుడితో ప‌నిచేస్తాడ‌నే దానిపై ప‌లు వార్త‌లు సోష‌ల్ మీడియాలో విన‌ప‌డుతూ వ‌చ్చాయి. తాజా సినీ వ‌ర్గాల స‌మాచారం మేర‌కు కొర‌టాల శివ ద‌ర్శ‌క‌తంలో రామ్‌చ‌ర‌ణ్ హీరోగా సినిమా రూపొంద‌నుంద‌ట‌. ఈ సినిమాను కొర‌టాల ద‌ర్శ‌క‌త్వం వ‌హించ‌డ‌మే కాకుండా నిర్మాణంలో కూడా భాగ‌స్వామిగా మారుతున్నార‌ట‌. కొర‌టాల శివ స్నేహితుడు సుధాక‌ర్ మిక్కిలినేని కూడా నిర్మాత‌గా వ్య‌వ‌హ‌రించ‌నున్నాడు. వ‌చ్చే ఏడాది ఫిబ్ర‌వ‌రి నుండి సినిమా రెగ్యుల‌ర్ షూటింగ్ ప్రారంభం అవుతుంద‌ని అంటున్నారు. ఆర్ఆర్ఆర్ సినిమా షూటింగ్ పూర్తి కాగానే చ‌ర‌ణ్... చిరంజీవి 153వ సినిమా నిర్మాత‌గా బిజీ కానున్నాడు.

ఆర్ఆర్ఆర్‌లో రామ్‌చ‌ర‌ణ్ అల్లూరి సీతారామ‌రాజు పాత్ర‌ధారిగా క‌నిపించ‌బోతున్నారు. ఈయ‌న‌కు జోడీగా ఆలియా భ‌ట్ న‌టించ‌నుంది. ఈ చిత్రంలో ఎన్టీఆర్ కొమురం భీమ్ పాత్ర‌ధారిగా న‌టిస్తోన్న సంగ‌తి తెలిసిందే. ఎస్‌.ఎస్‌.రాజ‌మౌళి తెర‌కెక్కిస్తోన్న ఈ సినిమా వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 8న విడుద‌ల చేస్తున్నారు.