வருமான வரி ரெய்டுக்கு காரணம் ரஜினியா?
- IndiaGlitz, [Monday,April 01 2019]
தமிழகத்தில் கடந்த சில நாட்களாக துரைமுருகன் மற்றும் அவருக்கு சொந்தமான இடங்களை குறி வைத்து வருமான வரித்துறையினர் சோதனை செய்து வருகின்றனர். இதில் கோடிக்கணக்கான பணம் பிடிப்பட்டுள்ளதாக கூறப்படுகிறது.
இந்த நிலையில் தமிழகத்தை போலவே கர்நாடக மாநிலத்திலும் மாண்டியா மக்களவை தொகுதியில் மதச்சார்பற்ற ஜனதாதளம் சார்பில் போட்டியிடும் அமைச்சர் புட்டராஜூ வீட்டில் வருமான வரித்துறை அதிகாரிகள் சமீபத்தில் சோதனை நடத்தினர்.
இந்த சோதனை குறித்து புட்டராஜூ கூறியபோது, 'மாண்டியா தொகுதியில் எனக்கு எதிராக போட்டியிடும் நடிகை சுமலதாதான் இந்த ரெய்டுக்கு காரணம். அவரது கணவர் அம்பரிசின் நெருங்கிய நண்பரான நடிகர் ரஜினி மூலம் பாஜக மேலிடத்தைத் தொடர்பு கொண்டு, என்னை இந்த ரெய்டில் சிக்க வைக்க முயற்சி செய்துள்ளனர்' என்றும் கூறியுள்ளார்.