నిన్నటి తరం కథానాయకుల్లో కొంతమంది.. ప్రతినాయక ఛాయలున్న పాత్రల వైపే ఎక్కువగా మొగ్గు చూపుతున్నారు. ఈ కోవలో ఇప్పటికే తనని తాను ప్రూవ్ చేసుకున్న నటుడు జగపతి బాబు. సెకండ్ ఇన్నింగ్స్‌లో విలన్‌గా ఎంట్రీ ఇచ్చి ఏ పాత్ర చేయడానికైనా సిద్ధం అన్నట్టు చెప్పకనే చెప్పారు. ఇక ఇదే బాటలో నటుడు శ్రీకాంత్ కూడా నడుస్తున్నారు. అలాగే.. “విలన్ పాత్ర చేయడానికైనా రెడీ” అని రాజశేఖర్ గతంలోనే హింట్ ఇచ్చేసారు. ఇప్పుడు ఆ హింట్‌ను పూర్తిగా వాడుకోవడానికి రాజమౌళి సిద్ధపడిపోయారని సమాచారం.

ఆ వివరాల్లోకి వెళితే.. రాజమౌళి.. ఎన్టీఆర్, రామ్ చరణ్‌లతో ఓ మల్టీస్టారర్ మూవీ చేస్తున్న విషయం తెలిసిందే. తాజాగా ఈ మూవీపై #RRR (రాజమౌళి, రామారావు, రామ్ చరణ్)అంటూ రాజమౌళి ప్రకటన కూడా చేసారు. ఇప్పుడు ఈ సినిమా విషయమై రాజమౌళి ప్రతినాయక పాత్ర కోసం రాజశేఖర్‌ను సంప్రదించారట. రాజశేఖర్ కూడా ఈ పాత్ర చేయడానికి సిద్ధం అన్నట్టుగా తెలుస్తోంది. అధికారికంగా రాజశేఖర్ నటించడం ఖాయమైతే మరో #R కూడా వచ్చి చేరుతుందని అభిమానులు భావిస్తున్నారు. ఇదిలా ఉంటే.. అక్టోబర్ నుంచి సెట్స్ పైకి వెళ్లనున్న ఈ చిత్రం వచ్చే ఏడాది (2019) వేసవిలో విడుదల కానుంది.