బాహుబ‌లి సినిమా త‌ర్వాత ఎస్‌.ఎస్‌.రాజ‌మౌళి ద‌ర్శ‌క‌త్వంలో ఏ సినిమా వ‌స్తుందోన‌ని ఆస‌క్తి అంద‌రి నెల‌కొన్న త‌రుణంలో ఎన్టీఆర్‌, రామ్‌చ‌ర‌ణ్ కాంబినేష‌న్‌లో సినిమాను అనౌన్స్ చేయ‌డంతో భారీ అంచ‌నాలు నెల‌కొన్నాయి. భారీ బ‌డ్జెట్‌తో డి.వి.వి.దాన‌య్య ఈ సినిమాను నిర్మించ‌నున్నారు. ఈ సినిమా డిసెంబ‌ర్‌లో సెట్స్ పైకి వెళ్ల‌నుంది. సినిమా అనౌన్స్ చేసిన‌ప్ప‌టి నుండి సినిమా క‌థాంశంపై ప‌లు వార్త‌లు వినిపిస్తూనే వ‌స్తున్నాయి.

పోలీస్‌.. దొంగ పాత్ర‌ధారులుగా సినిమా తెర‌కెక్క‌నుంద‌ని వార్త‌లు వినిపిస్తున్నాయి. కాగా మ‌రో వార్త కూడా సోష‌ల్ మీడియాలో చ‌క్క‌ర్లు కొడుతున్నాయి. అదేంటంటే బాలీవుడ్ చిత్రం `గూండే` సినిమాకు ఇది రీమేక్ అంటున్నారు. తెలుగు నెటివిటీకి త‌గ్గ‌ట్లు క‌థ‌లో మార్పులు.. చేర్పులు చేసి తెర‌కెక్కిస్తార‌ని వార్త‌లు విన‌ప‌డుతున్నాయి. మ‌రి ఇందులో నిజా నిజాలు తెలియాలంటే కొన్ని రోజులు ఆగాల్సిందే..