ఎస్‌.ఎస్‌.రాజ‌మౌళి ద‌ర్శ‌క‌త్వంలో ప్ర‌భాస్‌, అనుష్క‌, రానా, ర‌మ్య‌కృష్ణ‌, నాజ‌ర్ స‌హా ప‌లువురు స్టార్స్ న‌టిస్తున్న చిత్రం `బాహుబ‌లి2`. ప్ర‌స్తుతం సినిమా చిత్రీక‌ర‌ణ ద‌శ‌లోనే ఉంది. సినిమా చిత్రీక‌ర‌ణ‌తో పాటు నిర్మాణాంత‌ర కార్య‌క్ర‌మాలు కూడా జ‌రుగుతున్నాయి. అన్నీ కార్య‌క్ర‌మాల‌ను పూర్తి చేసి ఏప్రిల్ 28న విడుద‌ల చేయ‌డానికి నిర్మాత‌లు శోభు యార్ల‌గ‌డ్డ‌, దేవినేని ప్ర‌సాద్ ప్లాన్ చేశారు. అయితే రీసెంట్‌గా సినిమాకు సంబంధించిన కొన్ని సీన్స్ లీక్ కావ‌డంతో ద‌ర్శ‌కుడు రాజ‌మౌళికి టెన్ష‌న్ ప‌ట్టుకుందట‌. దాంతో సినిమాను అనుకున్న తేదీ కంటే ముందుగానే రిలీజ్ చేయాల‌నుకుంటున్న‌ట్లు వార్త‌లు వినిపించాయి.

అయితే బాహుబ‌లి2పై తెలుగులోనే ద‌క్షిణాది సినిమా ప‌రిశ్ర‌మ‌ల‌తో పాటు బాలీవుడ్ సినీ వ‌ర్గాలు కూడా ఆస‌క్తిగా ఎదురుచూస్తున్నాయి. అంతే కాకుండా బాలీవుడ్‌లో సినిమాను రిలీజ్ చేయాలంటే రిలీజ్ డేట్‌ను ముందుగానే ప్ర‌క‌టించాలి. ఎప్పుడు ప‌డితే అప్పుడు రిలీజ్ డేట్‌ను మార్చ‌డం కుద‌ర‌దు. కాబట్టి రాజ‌మౌళి ఒక‌వేళ నిజంగానే బాహుబ‌లి2ను ముందుగానే రిలీజ్ చేయాల‌నుకోవ‌డం అంత ఈజీ కాదు. మ‌రి రాజ‌మౌళి ఆచ‌ర‌ణ సాధ్య‌మేనా చూడాలి.