ప‌వ‌ర్ స్టార్ ప‌వ‌న్ క‌ళ్యాణ్‌ది మొద‌ట్నుంచీ ఒక‌టే శైలి. త‌నతో బ్లాక్ బ‌స్ట‌ర్స్ ఇచ్చినా.. హీరోయిన్లకు వెంట‌నే మ‌రో అవ‌కాశం ఇవ్వ‌డు. ఈ అంశాన్ని మొద‌ట‌ బ్రేక్ చేసింది అత‌ని మాజీ స‌తీమ‌ణి రేణు దేశాయ్ మాత్ర‌మే. 'బ‌ద్రి' వంటి హిట్ త‌రువాత ప‌వ‌న్‌తో 'జానీ' కోసం మ‌రోసారి జ‌త‌క‌ట్టింది రేణు. అప్ప‌టికే వీరిద్ద‌రి మ‌ధ్య ప్రేమాయ‌ణం కొన‌సాగుతుండ‌డం కూడా దీనికి ఓ కార‌ణంగా అప్ప‌ట్లో వార్త‌లు వినిపించాయి.

రేణు త‌రువాత మ‌ళ్లీ శ్రియ‌, త్రిష‌ల‌కే ఇలా రెండోసారి ప‌వ‌న్‌తో న‌టించే అవ‌కాశం ద‌క్కింది. 'బాలు'లో ప‌వ‌న్‌తో ఆడిపాడిన శ్రియ.. 'పులి'లో ప్ర‌త్యేక గీతం చేసింది. ప‌వ‌న్‌తో ఒక సీన్ కోసం క‌లిసి న‌టించింది. అలాగే 'గోపాల..గోపాల‌..'లోనూ ఒక స‌న్నివేశం కోసం ముచ్చ‌ట‌గా మూడోసారి క‌లిసి న‌టించింది. ఇక త్రిష అయితే 'బంగారం' కోసం ప‌తాక స‌న్నివేశంలో ప‌వ‌న్ ప‌క్క‌న త‌ళుక్కున మెరిసింది. 'తీన్ మార్‌'లో హీరోయిన్‌గా క‌లిసి న‌టించింది. రేణు, శ్రియ‌, త్రిష‌కి ప‌రిమిత‌మైన 'ప‌వ‌న్‌తో మ‌రోసారి న‌టించ‌డం' అనే అంశంలోకి తాజాగా మ‌రో పేరు చేర‌నుంద‌ని వార్త‌లు వినిపిస్తున్నాయి. ఆమే శ్రుతి హాస‌న్‌.

ఇప్ప‌టికే 'గ‌బ్బ‌ర్ సింగ్' వంటి బ్లాక్ బ‌స్ట‌ర్‌లో న‌టించిన శ్రుతి రెండోసారి ప‌వ‌న్‌తో ఎస్‌.జె.సూర్య చిత్రం కోసం న‌టించ‌నుంద‌ని ఫిల్మ్‌న‌గ‌ర్‌లో కథ‌నాలు వినిపిస్తున్నాయి. అదే నిజ‌మైతే గ‌నుక‌.. ప‌వ‌న్ తో రెండోసారి న‌టించే నాలుగో నాయిక‌గా శ్రుతి లిస్ట్‌లోకి చేరిన‌ట్టే. పూర్తిస్థాయి క‌థానాయిక జాబితాలో అయితే రేణు త‌రువాత శ్రుతికే ఆ అవ‌కాశం ద‌క్కిన‌ట్టు. చూద్దాం.. శ్రుతి కి అవ‌కాశం రాసిపెట్టి ఉందో? లేదో?